Tu âs cirût la peraule
monolengâl
torne indaûr

monolengâl

lâ sù loc.v.
Movisi viers l'alt o bande Nord
esemplis
""Tu podaressis ben dâmi doi fîcs" e disè a Meni Fari. "Magari che fos bon di lâ sù! Ma mi clopin lis gjambis, e stant abàs no ju jonç""
gjavât fûr di "Meni Fari" di Luigi Gortani
"si monte in assensôr e si scomence a lâ sù"
gjavât fûr di "Viaç a Vignesie" di Arturo Feruglio
"po dopo si va sù un bocon scuasi ad ôr dal Tiliment: il soreli sui pecoi de mont Mariane; e ogni cjase, venti sù pai Plans di Puartis, e à la sô piargule di vît cu lis cecjutis tenaris cuintri dal mûr grês"
gjavât fûr di "La aghe da pît la cleve" di Dino Virgili
"finalmentri si son decidûts a lâ sù a Glemone"
gjavât fûr di "Chei di Cjasarse" di Alan Brusini
lâ sù loc.v.
Cressi di cuantitât, cualitât, intensitât, valôr e v.i.
sinonims
cressi, aumentâ
esemplis
"i presits a vadin sù che a consolin, dì par dì"
gjavât fûr di "Il pietin e il grop" di Josef Marchet
lâ sù loc.v.
Vê une cierte etât, jessi scuasi rivât a une cierte etât
esemplis
"la Patrie dal Friûl e va sù, chest an, par 908 agns"
gjavât fûr di "Furlan jo mame! Triveneto tu frut" di Riedo Pup
lâ sù loc.v.
Deventâ sorestant, tacâ a vê une incarghe di podê
esemplis
"e va sù int che Diu nus vuardi, come Maffi, un stampadôr…"
gjavât fûr di "La aghe da pît la cleve" di Dino Virgili
"a àn za cambiât president di Regjon cuatri voltis contant ancje lui. Se al dure fin ae fin dal an al è za tant. Se al cole prin, la soluzion de grafie e va tes mans di un democristian, parcè che dopo Cecot cheste volte al pues lâ sù dome che un democristian"
gjavât fûr di "Memoriis di politiche linguistiche" di Adrian Cescje
detulis
"il mont al è fat a scjale: cui che al va sù e cui che al cale"
"la raze no va sù pal talpon"
torne sù