SuperDizionari

laboratori s.m.
(la-bo-ra-to-ri)

Ambient o stabiliment li che si fâs une ativitât produtive

esemplis

"se cualchidun al fos jentrât tal so laboratori [di marangon], fûr che seadice e splanadure, nol varès cjatât par tiere piç e nuie di plui"

gjavât fûr di "L'om che al pierdeve pinsîrs pe strade" di Fabian Ros

"[Linùs] a pene che al podè al vierzè a Mueç un laboratori di tiessidure dal lin"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

Viôt ancje: lavoratori

laboratori s.m.
(la-bo-ra-to-ri)

Ambient o stabiliment li che si fâs une ativitât di ricercje e sperimentazion

esemplis

"lis domandis “sientifichis” a son chês che a puedin jessi sometudis a verifiche sperimentâl [...] o chês che a puedin jessi formuladis in tiermins operatîfs, al ven a stâi midiant ativitâts concretis in laboratori"

gjavât fûr di "Teologjie algjebriche" di Sergio Ceccotti

laboratori s.m.
(la-bo-ra-to-ri)

[TS] (scol.) Ativitât didatiche che e previôt la partecipazion pratiche e la sperimentazion di bande dai arlêfs

esemplis

"lis ativitâts di laboratori a àn ocupât la plui part dal timp di ogni incuintri te seconde part dal cors"

gjavât fûr di "Il furlan te scuele de autonomie" di Alessandra Burelli

laboratori s.m.
(la-bo-ra-to-ri)

Lûc dulà che a nassin e che si disvilupin esperiencis di novitât tal cjamp artistic e culturâl

sinonims

buteghe, farie

esemplis

"Onde Furlane e je un laboratori permanent di creativitât e di iniziativis che a valorizin la lenghe e la realtât plurâl dal Friûl"

gjavât fûr di "35 agns di Onde Furlane" di Natascia Gargano

"il Comun di Sedean al ospitarà L'Insium, o ben il prin laboratori permanent di ricercje musicâl"

gjavât fûr di "I artiscj de musiche si cjataran a Sedean tal non dal jazz, dal contemporani e di Pasolini" di Alessio Screm

monolengâl