Tu âs cirût la peraule
monolengâl
torne indaûr

monolengâl

lagrime s.f.
(la-gri-me)
Gote di licuit organic che al jes dai voi, massime pal vaî
esemplis
"e sintî a dismolâsi il cûr tignût dûr fin li, e la muse si bagnà di lagrimis"
gjavât fûr di "Cjase di Dalban" di Maria Forte
"si suiave une lagrime cu la man, ma une altre i coreve subit daûr"
gjavât fûr di "Prime di sere" di Carlo Sgorlon
"dôs riis di lagrimis mi scjaldavin i smursiei"
gjavât fûr di "Kebar krossè" di Stiefin Morat
Viôt ancje: agrime, aglime
lagrime s.f.
(la-gri-me)
Spec. tal plurâl, il vaî, la comozion, la disperazion e sim. (ancje fig.)
esemplis
"al veve in fonts de vôs un vanzum di lagrimis inglotudis"
gjavât fûr di "Il Bide di Miot" di Maria Forte
"cualchi volte i scjampave une lagrime, che la tristerie di Miriam i lave drete intal cûr"
gjavât fûr di "Trê feminis" di Gianni Gregoricchio
"un vêl di lagrimis i passà sui voi"
gjavât fûr di "A jerin lagrimis" di Pieri Somede dai Marcs
lagrime s.f.
(la-gri-me)
Gote di materie licuide, grasse e sim., spec. tant che carateristiche di ciertis robis di mangjâ
esemplis
"al spiete il formadi cu la lagrime, o pûr la formaiele di Vilevuarbe ben stagjonade"
gjavât fûr di "Florean dal Palaç, I, 21" di Guido Antonioli
lagrime s.f.
(la-gri-me)
Piçule cuantitât di licuit (fig.)
sinonims
got, gote, gotute, sclip, tic, nuie, ninin
esemplis
"[ai sommeliers] ur baste chê lagrime par induvinâ la cualitât e stimâ la bontât di chel vin"
gjavât fûr di "La civiltât dal fum" di Riedo Pup
lagrime s.f.
(la-gri-me)
[TS] (bot.) Emission di linfe des lidrîs o dal fust di une plante
lagrime s.f.
(la-gri-me)
Forme o ogjet di forme taronde di une bande e a ponte di chê altre
sinonims
gote
esemplis
"un diamant taiât a lagrime"
detulis
"lagrime di femine, fontane di malizie"
"lagrime di femine, sudôr di cjaval"
"lagrimis di predi e sudôr di stradin, nissun no ju à mai viodûts"
"lis feminis a àn lis lagrimis in sachete"
torne sù