Hai cercato la parola
monolingue
Torna indietro

monolingue

lassâ fûr loc.v.
Lassâ de bande difûr, no puartâ dentri o ancje no permeti di jentrâ
sinonimi
lassâ difûr
esempi
"il cjan [...] al à di vêlu lassât fûr, scrufuiât di cualchi bande a cirî il fresc"
da "Madalene" di Franco Marchetta
lassâ fûr loc.v.
No sierâ, no cuvierzi, no taponâ
esempi
"Vera e jere involuçade intune siarpone che i lassave fûr dome che il nasut e i voi"
da "Îr e doman" di Gianni Gregoricchio
lassâ fûr loc.v.
No cjapâ dentri, no tocjâ, no cjapâ in considerazion
sinonimi
lassâ di bande, lassâ in bande
esempi
"il regolament aprovât al fronte dome la part dedicade a radios e televisions, ma al lasse fûr cjarte stampade e internet"
da "Regjon e lenghe furlane: pôc e tart" di Carli Pup
"se o vais a voltâ dutis lis pagjinis che a son stadis scritis sul patî dai oms, dutis, propit dutis, cence lassâ fûr nissune, si inacuarzarês che nissun al è stât bon di dînus il parcè dal nestri patî"
da "La Pasche" di Francesc Placerean
lassâ fûr loc.v.
Escludi, no fâ partecipâ
sinonimi
lassâ di bande, parâ di bande, parâ vie, lassâ in bande
esempi
"chel viodisi lassâts fûr des confidencis e dibot ancje da la amicizie, e chê riverence, a dî la veretât, un pôc false e servîl de int, cun lôr, ur pareve dute di masse e ur faseve ancje une ponte di dispiet"
da "La aghe da pît la cleve" di Dino Virgili
"nissun nol veve vût cûr di lassâlu fûr de clape"
da "La clape" di Gianni Gregoricchio
lassâ fûr loc.v.
No fâ alc, par vie che si dismenteisi, che no si sa o ancje par sielte
sinonimi
lassâ di bande, fâ di mancul, lassâ in bande
esempi
"la ultime cjosse di viodi jere la capele, là che di solit al lavorave fra Bernart. Cualchidun al scomençave a dî che si podeve lassâ fûr di viodi chê capele"
da "La Madalene" di Zuan Lurinçon
Torna in Cima