Tu âs cirût la peraule
monolengâl
torne indaûr

monolengâl

lat s.m.
Tai mamifars, secrezion des glandulis dai luvris o dai pets che e je l'aliment dai fîs piçui e che, spec. di vacje, di cjavre o di piore, si pues doprâ par fâ spongje, formadi e v.i.
esemplis
"amâ la sô int, la sô tiere, il so cîl… chel cjantonut dulà che al è nassût, che al à tetât il lat di sô mari"
gjavât fûr di "Vieri e gnûf" di Pieri Menis
"ogni ben di Diu: cuincis, salam, formadi, lat, pignot, scuetis di ogni sorte"
gjavât fûr di "I furlans e il camarin" di Riedo Pup
"il canai al vignè sù taront e sveât, a sun di lat e 'suf"
gjavât fûr di "La agna Mia di Ristec" di Novella Cantarutti
"sot sere, cuant che la int e lave a puartâ il lat te latarie dongje la beorcje"
gjavât fûr di "I ôcs di Miute" di Maria Forte
lat s.m.
Licuit di cualchi plante, o ancje fonc, o di cualchi pome o semence, spec. se no je inmò madure
esemplis
"l'Unvier l'è invelegnât, / [...] / [...] / [...] / [...] / si inglace il lat des planlis"
gjavât fûr di "Glaç" di Pieri Somede dai Marcs
"[i fîcs] si ju mangjave cul lat che al gotave"
gjavât fûr di "I furlans e la fam" di Riedo Pup
"tante fam di mangjâ la polente di soròs e la blave ancjemò cul lat"
gjavât fûr di "Mê none Miute" di Lucio Perès
lat s.m.
Licuit seminâl (pop.)
sinonims
semence, sbore, sboradure, ont
detulis
"al vûl lat a fâ formadi"
"ancje il lat di vacje al è blanc"
"cali vieri e lat zovin"
"chês che a mangjin crostis e lat, no cjataran un biel fantat"
"il cali vieri e il lat zovin"
"il lat al è la ruvine dal sac"
"il lat al ven pe bocje"
"il lat di Atom al fâs dulî la panze di Invier"
"il lat nol ven dai vues"
"il vin al è il lat dai puars viei"
"inant che nuie, meste e lat"
"lat e vin mace il bambin"
"no si po vendi il lat e fâ formadi"
"pan di une dì, ûf di une ore, lat di un minût e vin dut l'an"
"polente e lat bulît, cuatri salts al è digjerît"
"polente e lat, il past dal gjat"
torne sù