Hai cercato la parola
monolingue
Torna indietro

monolingue

lavôr s.m.
(la-vôr)
Ativitât destinade a fâ o a otignî un ben, un prodot, un servizi e sim.
sinonimi
vore
esempi
"a asfaltavin la Pontebane. [...] Dîs oris in dì di lavôr par trê e cuarante in dì, sot un soreli che al inçonderave"
da "Ideis" di Meni Ucel
"il lavôr [su la fornâs] a Martrent al començave denant dì e al finive dopo lât a mont soreli"
da "Chei di Martrent" di Riedo Pup
lavôr s.m.
(la-vôr)
Tal pl., complès des ativitâts par tignî in ordin une cjase o par fâ dut ce che i covente ae cjase e ae campagne
sinonimi
vore
esempi
"a jerin lis bestiis di viodi, i lavôrs di distrigâ adalt, abàs e fûr... La cjase, il curtîl, la braide a someavin plui grancj, cumò, cul soreli parsore"
da "La massarie" di Dino Virgili
"il mês di Avost la int e polsave, parcè che Avost al è simpri stât un mês che i lavôrs si cangjin; in campagne e tai vignâi al è cuasi dut fat"
da "I furlans e lis feriis" di Riedo Pup
"passade la colme dai lavôrs, i fantats si metaran a tirâ sù i mûrs: si son impegnâts di fâ un pâr di oris di vore ogni sere"
da "Lis predicjis dal muini" di Josef Marchet
lavôr s.m.
(la-vôr)
Tal pl., insiemi di ativitâts coordenadis, spec. par rivâ a un risultât complès, tant che la costruzion di un edifici, la realizazion di un progjet e v.i.
esempi
"il cont Checo al veve za dât in man i lavôrs al inzegnîr Polverosi"
da "Il façolet dal Dacian" di Riedo Pup
lavôr s.m.
(la-vôr)
Risultât che al ven fûr de ativitât lavorative
sinonimi
opare, prodot, manufat, vore
esempi
"a sagre, te cooperative, tu podevis amirâ ducj i lavôrs di chê manifature [di scus]"
da "Faliscjis" di Cristina Noacco
lavôr s.m.
(la-vôr)
Il doprâ une cierte cuantitât di energjie par un fin determinât
sinonimi
ativitât, vore
esempi
"la energjie e je par solit definide tant che la capacitât di davuelzi un lavôr"
da "Energjiis rinovabilis in Friûl-Vignesie Julie: ce che al è disponibil e a cualis cundizions" di Fulvio Stel, Dario Giaiotti
lavôr s.m.
(la-vôr)
[TS] (fis.) Cuantitât di energjie che e passe tra doi sistemis cuant che al sucêt un moviment par vie di une fuarce
lavôr s.m.
(la-vôr)
In espressions che a comentin une situazion negative e dificile di justâ (coloc.)
sinonimi
berdei, imbroi
esempi
"ribaltâts cul automobil, e jere une robe di fâ pôre. [...] «Ce lavôrs, eh, ce robis! La zoventût di vuê!»."
proverbi
"a lâ daûr dai lavôrs dai altris, a van in discapit i siei"
"a palâ nêf e a spacâ coculis, dut lavôr dibant"
"cui che al vûl vê lavôr mâl fat, che lu pai denant trat"
"cul timp e cul lavôr il morâr al devente sede"
"dal lavôr si cognòs il mestri"
"finide la zornade, finît il lavôr; finide la gnot, finît il ripôs"
"lavôr fat si lu cjate"
"lavôr fat si lu cjate fat"
"lavôr fin si mangje fin"
"lavôr mâl fat al è timp pierdût"
"lavôr mieç fat al è biel finît"
"ogni plat il so savôr, ogni man il so lavôr"
Torna in Cima