SuperDizionari

li che loc.coniun.

Cun valôr locatîf par introdusi relativis, interogativis indiretis o ancje interogativis diretis cence inversion dal pronon subiet aton

sinonimi

dulà che, là che, indulà che

esempi

"su la voltade, subit dopo dal puintut di len, li che la stradute di Cleve e va fûr te Strade Disot, al comparì Zuanat"

da "La aghe da pît la cleve" di Dino Virgili

"lui nol saveve nancje plui li che al jere"

da "Par stradis lungjis" di Alan Brusini

li che loc.coniun.

Ancje par introdusi une precisazion, une esplicazion

sinonimi

dulà che, là che, indulà che

esempi

"«O ai scomençât intune piçule radio di Puart, Lt2. Li che “L” al stave par Livence e “T” par Tiliment»"

da "Il dj pendolâr" di Dree Venier

li che loc.coniun.

Par introdusi une aversative

sinonimi

là che, dulà che, intant che, invezit, impen, indulà che

esempi

"la provincie di Udin e à pierdût trê voltis tant la medie taliane [te produzion di redit] (-16% cuintri il -5,7%), li che invezit la provincie di Triest e je cressude dal 2,3%"

da "Friûl cence progjet e direzion. Ma la sperance di avignî si pues tornâ a fâ sù" di Erika Adami

"Marx al calcolave il svilup industriâl, disseparât dal capitalisim, tant che un model e un procès positîf pe liberazion dal om de dibisugne. Li che, in realtât, cheste dipendence no je separabile di une economie fondade sul industrialisim"

da "La invenzion dal stât" di Fabian Ros

monolingue