Tu âs cirût la peraule
monolengâl
torne indaûr

monolengâl

libertât s.f.
(li-ber-tât)
Cundizion di cui che al è libar, che al agjìs daûr des sôs sieltis autonomis, cence condizionaments di altris personis e cence stâ sot di imposizions
sinonims
autonomie, facoltât, indipendence
esemplis
"int che e resone ancjemò cul so cjâf, che e judiche cun libertât secont une antighe, sperimentade sapience"
gjavât fûr di "La civiltât dal fum" di Riedo Pup
"se di une bande che sô atenzion mi lusingave, di chê altre mi sustave, che mi sintivi spiade, impedide inte mê libertât"
gjavât fûr di "Trê feminis" di Gianni Gregoricchio
libertât s.f.
(li-ber-tât)
Il no jessi in servizi o a vore, par un moment di polse o ancje in maniere definitive
esemplis
"o passi in riviste lis robis di fâ, cemût organizâmi tal lavôr e tes oris di libertât"
gjavât fûr di "I forescj" di Alan Brusini, Gian Paolo Linda
"[tal 1848] il gjenerâl Auer [...] al lassà in libertât chei soldâts che no volevin restâ sot la Austrie e al si tirà cun chei altris a Gurize"
gjavât fûr di "Cuintristorie dal Friûl fin sot la Italie" di Josef Marchet
libertât s.f.
(li-ber-tât)
Cundizion di une comunitât che e gjolt ad implen dai siei dirits, par vie che no je sot di un regjim autoritari o repressîf o sot di une potence foreste
esemplis
"metisi a pâr cu lis nazions modernis intun ordenament di libertât e di responsabilitât"
gjavât fûr di "La gnespule malmadure" di Josef Marchet
"par un sôl ideâl: chel dal popul e in non de libertât"
gjavât fûr di "La cjase di Toni" di Tarcisio Venuti
"o vin pôre di jessi une altre volte bessôi, o cuasi, a tignî dûr il claut de libertât furlane"
gjavât fûr di "Legnadis e pidadis" di Josef Marchet
detulis
"il presit de libertât e je la vite"
"il vuarp al brame la lûs, l'uciel la libertât"
"par vivi in libertât o in vile o in citât"
torne sù