SuperDizionari

licuit adi.
(li-cuit)

(fis.) Di materie, che e à un so volum plui o mancul stabil ma che e cjape la forme dal contignidôr che lu ten, in oposizion a solit e gasôs

esemplis

"il mercuri al è un metal licuit une vore penç"

gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

licuit adi.
(li-cuit)

[LE] Che al al à a ce fâ cu la aghe o cui fluits e cu lis lôr proprietâts, che al sucêt te aghe o che al è mediât de aghe, che si trasforme come ce che al è rifletût de aghe e v.i. (fig.)

esemplis

"velu li, il spieli de roie, voltât il cjanton, riflès di lusôrs licuits sot i barcons di une stanzie"

gjavât fûr di "Voie di teatri in lenghe" di Agnul di Spere

"dongje dal mâr a Bielvedê, chei cjants, chês lûs e chês peraulis mi son revocadis tant che lusignis licuidis su la lagune"

gjavât fûr di "Memoriis di politiche linguistiche" di Adrian Cescje

"la vite e je licuide, e cambie simpri, si môf, e tancj mi disin di no vê pinsîrs, che dut al à di passâ"

gjavât fûr di "No plui nô" di Michele Vuardianut Calligaris

licuit adi.
(li-cuit)

Pôc penç

sinonims

agadiç, agadôs, clâr, disfat, lami, lunc, mol

esemplis

"fâ strenzi la salse se e je masse licuide"

licuit adi., s.m.
(li-cuit)

[TS] (econ.) Spec. tal pl., cuantitât di bêçs fate di monedis e biliets de bancje

sinonims

contant, svelt

licuit adi.
(li-cuit)

[TS] (econ.) Di obligazion, credit, e v.i., che al è determinât dal sigûr inte sume e intal titul

monolengâl