Hai cercato la parola
monolingue
Torna indietro

monolingue

limit s.m.
(li-mit)
Linie di division o confin
sinonimi
confin, tiermin, linie
esempi
"il fat che si individui un teritori di base, nol esclût che la politiche linguistiche indreçade al Friûl no puedi o no scuegni vê interazions e efiets ancje difûr dai siei limits teritoriâi"
da "Notis di politiche linguistiche par un Friûl diferent" di Sandri Carrozzo
limit s.m.
(li-mit)
Cuantitât, misure, intensitât e v.i. massime o minime
esempi
"par chel che al rivuarde la seconde variabile [etât dai intervistâts], a son stâts mantignûts i limits di etât di 18-65 agns di chês altris ricercjis"
da "La cundizion sociolinguistiche dal furlan" di Linda Picco
limit s.m.
(li-mit)
Element che al ferme o che al pidimente
esempi
"magari cussì no tra cualchi docent e reste ancjemò la convinzion che l'insegnament de lenghe furlane al sedi un limit pal aprendiment coret da talian"
da "La tutele de lenghe furlane a scuele" di Patrizia Pavatti
limit s.m.
(li-mit)
Pont che no si varès di passâ o che no si rive a passâlu (fig.)
esempi
"nissun al pues jessi obleât a un tratament sanitari se no par disposizion di leç, che però no pues in nissun câs violâ il limit dal rispiet de persone"
da "Interviste a Amato De Monte" di Christian Romanin
"al scugnive par altri adatâ i siei progjets a la persone di Valerie che, volint o no, [jessint in carocine] e veve i siei limits"
da "Il muc" di Roberto Ongaro
limit s.m.
(li-mit)
Mancjance rispiet a ce che al coventarès o a un model ideâl (fig.)
sinonimi
difiet, mende, pecje
esempi
"cundut dai siei limits, Pieri Çorut al è stât un personaç impuartant de leterature furlane"
da "Pieri Çorut" di Roberto Jacovissi
limit s.m.
(li-mit)
[TS] (sient.) Pont ideâl che sore o sot di chel si verifiche un ciert fenomen
limit s.m.
(li-mit)
[TS] (biol.) Linie di confin altimetric e climatic che e fisse la estension di fenomens biologjics o gjeofisics
esempi
"I insediaments si cjatin di fat dilunc di diretivis precisis che a tegnin cont dai limits altimetrics dal bosc e des culturis"
da "La mont furlane" di Mauro Pascolini, Andrea Guaran
limit s.m.
(li-mit)
[TS] (sport) Intal balon, linie che e segne la aree di rigôr
esempi
"ve un cross che al somee mugnestri, indreçât viers il limit de aree taliane"
da "Vincjedoi" di Laurin Zuan Nardin
limit s.m.
(li-mit)
[TS] (astron.) Ognidun dai doi ponts plui distants de eclitiche inte orbite di un planet
limit s.m.
(li-mit)
[TS] (mat.) Valôr relatîf a une funzion tâl che, par ogni cuantitât arbitrarie, al esist simpri un valôr de variabile de funzion dulà che la funzion e cjape un valôr che la diference cul valôr limit e je inferiôr a chê cuantitât
limit s.m.
(li-mit)
[TS] (gjeol.) Plan di contat jenfri dôs unitâts gjeologjichis o litologjichis, segnade su di une cjarte gjeologjiche
Torna in Cima