Tu âs cirût la peraule
monolengâl
torne indaûr

monolengâl

limpi adi.
(lim-pi)
Che si pues viodi traviers, che al lasse passâ la lûs
sinonims
trasparent, lampit, clâr, net
esemplis
"la aghe e jere ancjemò tant limpie, i disè, che si viodeve tal fonts de ledre jerbis e claps"
gjavât fûr di "Il puint de ledre" di Agnul di Spere
Viôt ancje: limpit
limpi adi.
(lim-pi)
Cence nissune impuritât morâl (fig.)
sinonims
lampit
esemplis
"l'Ariul nol jere plui il passetimp limpi di simpri, ma pitost une scuindarole pes baronadis, pes clapadariis cuintri chei che a passavin sul puint"
gjavât fûr di "La aghe dal Ariul" di Maria Forte
limpi adi.
(lim-pi)
Une vore net e facil di viodi, distingui, capî (fig.)
sinonims
clâr, net, lampit
esemplis
"la lenghe furlane doprade [di Fabian Ros] e cor vie limpie cence nissune sfuarçadure"
gjavât fûr di "Evoluzionisim sot esam" di Laurin Zuan Nardin
"no vin plui ni il timp ni il privileç di ignorâ ce che al è clâr e limpi"
gjavât fûr di "Il mont sul troi di un cambiament radicâl e globâl inevitabil" di Marianna Tonelli
"a nivel cuantistic, al esist un principi di indeterminazion pe gjeometrie par la cuâl i ponts “precîs” de gjeometrie ordenarie no esistin ma a son rimplaçâts di entitâts mancul limpiis"
gjavât fûr di "Teologjie algjebriche" di Sergio Cecotti
torne sù