Hai cercato la parola
monolingue
Torna indietro

monolingue

lint s.f.
[AF] (bot.com.) Tal pl., semence e plante dal liùm Lens esculenta
esempi
"[par prevignî la osteoporosi si pues mangjâ] liùms: piçûi, lints, fasûi; o narançs, che a tegnin dentri ancje vitamine C, potassi e betacaroten"
da "Ocjo ai vues!" di Guglielmo Pitzalis
"in Friûl si metevin ancje fasulins, cesarons, favis, lints, piçûi, lintosis e luvins"
da "Un virus tes lidrîs" di Enos Costantin
lint s.f.
Sisteme otic fat pal solit di un disc trasparent cuntune o cun dutis dôs lis superficiis curvadis par ingrandî, deformâ, corezi, filtrâ la percezion di une imagjin
esempi
"un pâr di ocjalons cu lis lints scuris"
da "X-Reihen" di Checo Tam
"la machine fotografiche poiade sul cavalet cuntune lint come un canocjâl e jere cuvierte cuntune grant tele nere"
da "Ce sdrumade" di Pieri Somede dai Marcs
lint s.f.
Tal pl., i ocjâi
esempi
"l'om al tirà jù lis lints e lis poià tal camisolin"
da "La tiere di Lansing" di Maria Forte
lint s.f.
Mût di osservâ, pensâ, interpretâ e v.i. fat cun tante atenzion o cuntune cierte sensibilitât (fig.)
esempi
"tai prins agns Otante l'esempli plui lusint al è l'impegn [di Radio Onde Furlane] a pro dal teatri popolâr. A leile cu lis lints di vuê cheste storie e somee un pôc curiose. Ce jentravie la radio cul teatri?"
da "Un Friûl difarent: i 90 mhz di Onde Furlane" di Max Mauro
"al imparà a movisi framieç dal so jessi vuarp, viodint lis robis cu la lint dai ricuarts"
da "Un tocut a la volte" di Raffaele Serafini
lint s.f.
Massime tal pl., ognidune des piçulis maglis rossitis de piel de muse che a àn ciertis personis, che in gjenar a àn la piel une vore clare
sinonimi
efelide, semule
esempi
"l'omenut al veve suspirât une altre volte e, zirantsi de bande di un frutat plen di lints, al veve dite. “Rico, va clame il diretôr. Tu sâs ben indulà che al è”"
da "Îr e doman" di Gianni Gregoricchio
"la sô prime simpatie, une frutute plene di lints e cu lis strecis rossis"
da "Il sium di Lissandri" di Franca Mainardis
Torna in Cima