SuperDizionari

locâl adi.
(lo-câl)

Che al rivuarde un ciert puest, cun estension limitade, che al à difusion, efiet e v.i. dome intun ciert puest o in cualchi puest, che nol è gjenerâl

sinonims

regjonâl

esemplis

"politichis smiradis di svilup locâl"

gjavât fûr di "Dal setôr dal len un dramatic chivalì" di Redazion il Diari

"daûr di ce che a ripuartavin i cuotidians locâi al somee che ancje il Sindic di Udin le vedi sbarade gruesse"

gjavât fûr di "Spara Jurij spara (Giovanni, Debora, Pieri & C.)" di Marc Stolf

locâl adi., s.m.
(lo-câl)

Spec. tal pl., che, cui che al vîf intun puest

sinonims

paisan, dal puest, di chenti, di lenti, di ca, di là

esemplis

"passant dongje di un simiteri di Belgrât, sin zûts ducj cuancj a robâ la sgnape che la int i poie ai siei muarts su la tombe: la matine dopo la int locâl e jere une vore rabiade cun nô"

gjavât fûr di "Gjovanin Boser" di Bruno Colledani

"lis plantis e bestiis locâls"

gjavât fûr di "Il zûc de ocje in lenghe" di Erika Adami

locâl adi., s.m.
(lo-câl)

[TS] (fer.) Tren che si ferme ancje intes stazions des localitâts plui piçulis

esemplis

"la letare, Laurinç le leiè prin di rivâ a cjase. Le leiè sul tren locâl che al partive a vot e mieze di Milano-Garibaldi"

gjavât fûr di "Chê dì che al neveà a Vignesie" di Agnul di Spere

"al someave in dut a un normâl tren locâl. Al rivave ta mê stazion plui o mancul a lis seis di matine"

gjavât fûr di "Il tren dai cinês che a duarmin" di Raff BB Lazzara

locâl s.m.
(lo-câl)

Lûc sierât destinât par alc, spec. par ristorazion, divertiment, culture e v.i.

sinonims

ambient

esemplis

"vierzi il locâl a buinore pai clients de sgnape e dal cafè"

gjavât fûr di "Come tai romançs" di Alan Brusini

"tu le finirâs, mocul di sagristie, di slengâmi simpri e di meti a mâl il gno locâl e la mê marcjanzie e i miei aventôrs!"

gjavât fûr di "Lis predicjis dal muini" di Josef Marchet

"al cirì di meti in sest il locâl [une buteghe di marangon], e cuant che dut al fo in ordin Rita e Ricardo a vignirin a viodilu"

gjavât fûr di "Prime di sere" di Carlo Sgorlon

"al jere plui di un mês che no faseve scuele, ven a stâi di cuant che i cosacs a vevin ocupât il locâl"

gjavât fûr di "Sul agâr" di Pieri Menis

locâl s.m.
(lo-câl)

Spazi che al risulte de division interne di une costruzion o di une abitazion

sinonims

stanzie, ambient

esemplis

"59 artiscj residents in regjon che no àn mai esponût, invidâts di 20 critics a presentâ lis lôr voris tai locâi de vile di Toppo Florio e tal zardin"

gjavât fûr di "Armoniis di ponts in moviments" di Erika Adami

"il locâl plui impuartant, in cjase, al ere il camarin, la cjanive, o la cantine. Locâi fats no par mostrâ ai forescj: par doprâ, invezit "

gjavât fûr di "I furlans e il camarin" di Riedo Pup

monolengâl