SuperDizionari

logjic adi.
(lo-gjic)

Che al à a ce fâ cu la logjiche, cu la dissipline filosifiche resonade o cu la logjiche matemantiche

esemplis

"il sisteme des imagines agentes in Camillo, l'ordin logjic in Citolini a garantivin la pussibilitât di cjatâ lis peraulis o i argoments par mieç di indicazions ostensivis"

gjavât fûr di "Il brevet" di Mario Turello

"un stîl une vore formalizât, fat di secuencis logjichis di definizions, proposizions, lemis e teoremis"

gjavât fûr di "La analisi matematiche seont i furlans" di Sergio Cecotti

logjic adi.
(lo-gjic)

Che al va daûr di une maniere ordenade di resonâ

sinonims

consecuenziâl, razionâl

esemplis

"la storie e mancjave di continuitât logjiche e la trame e veve plui busis che tacons"

gjavât fûr di "L'om che al pierdeve pinsîrs pe strade" di Fabian Ros

logjic adi.
(lo-gjic)

Inevitabil par vie des premessis, che nol à alternativis e che nol pues jessi contindût

sinonims

clâr, normâl, naturâl, ovi

esemplis

"ducj a pensavin che al fos logjic chest esit de Comission e nissun i fasè oposizion"

gjavât fûr di "Memoriis di politiche linguistiche" di Adrian Cescje

logjic s.m.
(lo-gjic)

Studiôs e cultôr de logjiche, de dissipline filosofiche resonade o de logjiche matematiche

esemplis

"i filosofs e i logjics a crodevin che la lenghe e fos un imprest par dî veretâts"

gjavât fûr di "Il cjâf dai furlans" di Franc Fari

monolengâl