Tu âs cirût la peraule
monolengâl
torne indaûr

monolengâl

lontanance s.f.
(lon-ta-nan-ce)
Il jessi lontan, distance lungje jenfri doi elements
sinonims
distance
esemplis
"viôt mo, Agnul... capissile. La lontanance e distude l’amôr"
gjavât fûr di "La rosade de la sere" di Costantino Smaniotto
lontanance s.f.
(lon-ta-nan-ce)
Sensazion di jessi lontan, separât in maniere dolorose di un puest, di alc o di cdn. che si vuelii ben
sinonims
nostalgjie
esemplis
"vilotis di lontanance e di crepecûr"
gjavât fûr di "La aghe da pît la cleve" di Dino Virgili
lontanance s.f.
(lon-ta-nan-ce)
Il jessi dividût di un pont psicologjic o sentimentâl, il no capîsi, il no comunicâ
sinonims
distac, division, crevadure, mûr, paradane, vueit, distance
esemplis
"no veve volût meti spinis tal cûr di lui, o chel grivi che al varès fat nassi une gnove e plui grande lontanance fra di lôr"
gjavât fûr di "La tiere di Lansing" di Maria Forte
lontanance s.f.
(lon-ta-nan-ce)
Il jessi diviers (fig.)
sinonims
diference, divari, diversitât, svari
esemplis
"al cirive di confuartâ so fradi e di fâi companie, cun dute la lontanance di agns e di animis difarentis che a vevin"
gjavât fûr di "I prâts des Savodagnis" di Agnul di Spere
lontanance s.f.
(lon-ta-nan-ce)
Il fat di sei lontan intal timp
esemplis
"dopo agns si voltisi daûr a cjalâ, par vie che si à cjaminât alc, si è lâts indevant. [...] E la cjalade indaûr, vadì a robis che si smamissin di lontanance, e je la brame tasude di tornâ a scomençâ"
gjavât fûr di "Ombrenis sul liston" di Dino Virgili
torne sù