Zûc di azart gjestît dal stât li che e je une estrazion par setemane di cinc numars tra 1 e 90
esemplis
"Betute la Stuarte e mandave ogni setemane sô cusine, che e va a cusî a Udin, tal buteghin dal lot a zuiâ trê numars"
gjavât fûr di "Lis predicjis dal muini" di Josef Marchet
"chei che a van daûr dai insiums par zuiâ i numars dal lot"
gjavât fûr di "Il cjâf dai furlans" di Franc Fari
lots.m.
Câs fortunât che al tocje a colp
sinonims
bale al lot, bale dal lot
esemplis
""O pues fidâmi alore… sarès propit content." "Ligrie, ligrie, che vês cjapât il lot""
gjavât fûr di "A la oselade" di Pieri Somede dai Marcs
"chel afâr al è stât un lot par lui "
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
lots.m.
Ognidune des parts che al è dividût un ben, un possediment, un lavôr e v.i., soredut in relazion a une vendite o a un afidament
esemplis
"il defont sindic Reglan al veva dividût i boscs dal cumun in lots, un par famea, il bosc di Viea a i era tocjât ai Specars"
gjavât fûr di "I cjans di not" di Novella Cantarutti
""Ce interès public! Interès di chel là, eh! E àn di valorizâi la sô tiare par che al puedi vendile a lots di fabricâ. Eco là che al è l'interès public!""
"ogni singul lot al ven analizât e ducj i passaçs a vegnin controlâts intal detai, di mût di garantî nivei alts di cualitât e di sigurece alimentâr de farine"
gjavât fûr di "Bon tant che un toc di pan… però furlan!" di Serena Fogolini
lots.m.
[TS] (metrol.) Misure di pês di prime dal sisteme metric, che e valeve une di trente o di trentedôs part di lire
esemplis
"[il pês dal fusîl al è] sença baioneta vot funts e sîs lots, e cu la baioneta vot funts e vincjacuatri lots"
gjavât fûr di "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat