Hai cercato la parola
monolingue
Torna indietro

monolingue

mît s.m.
Conte tradizionâl cun valôr simbolic e sacrâl, in particolâr su la origjin dal mont, dai dius, dai oms o di altris elements, o su impresis di dius e erois
esempi
"la tradizion de cape [dai pelegrins di Sant Jacum] salacor e je di divignince pagane, colegade al mît di Venere che e salte fûr des ondis"
da "Sant Jacum, là che al finìs il mont" di Antoni Beline
"i Grêcs a contavin in putrops mîts che Apol al jere un diu forest, tramontan"
da "Jenfri vîfs e muarts" di Sandri Carrozzo
mît s.m.
Idealizazion di un personaç, di un fat storic, di une aspirazion coletive e v.i.
sinonimi
liende
esempi
"tancj dai miei mîts musicâi (Lino Straulino, Bob Dylan, Tracy Chapman, De André, ma ancje i varis grups folk dai agns ‘60/'70) no vevin tant di plui che struments acustics, vôs, e un grum di robis di contâ"
da "Alvise Nodale: un zovin cjantautôr che al promet cetant ben, su lis olmis di Straulino" di Moira Pezzetta
"une regjon che fin a chel moment e viveve ancjemò sul mît dai siei emigrants lâts a cirî fortune ator pal mont"
da "Un Friûl difarent: i 90 mhz di Onde Furlane" di Max Mauro
mît s.m.
Invenzion idealizade o aspirazion utopiche (fig.)
sinonimi
utopie
esempi
"se nô o clamìn profete pre Antoni, o scugnìn viodilu midiant la sô umanitât e cence fâ di lui un personaç, o imbastî par lui esaltazions e mîts"
da "Un om che al fâs di profete" di Tonin Cjapielâr
mît s.m.
Persone cun cualitâts ecezionâls (ancje scherç.)
esempi
"il mît furlan des corsis in moto al è fûr di dubi Edi Orioli"
da "Velocitât a dôs ruedis" di Oscar Puntel
Torna in Cima