SuperDizionari

machine s.f.
(ma-chi-ne)

Imprest fat di plui parts, ancje mobilis, in conession une cun chê altre par fâ funzions specifichis ancje complessis

esemplis

"la materie prime plui conveniente par trai fûr la energjie necessarie par movi lis machinis intes fabrichis, lis nâfs intal mâr e lis locomotivis al jere il cjarbon"

gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

"i plasevin lis grandis machinis che a sgjavavin o a splanavin la tiere, i camions che di matine fin sere a puartavin claps par fâ il pedrât"

gjavât fûr di "Prime di sere" di Carlo Sgorlon

"uns sessante machinis pe filadure, motis di aghe cun dôs turbinis di fier ognidune"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

Viôt ancje: machigne

machine s.f.
(ma-chi-ne)

Veicul cun cuatri ruedis cun motôr, pal traspuart su strade di un numar limitât di personis

sinonims

autoveture, veture, autoveicul, automobil, veicul

esemplis

"la strade che e mene tal rocul di pre Checo, passadis lis ultimis cjasis di Montenârs, e je blancje e cjarezabile. Stant atents des busis, si pues fâle cu la machine"

gjavât fûr di "Memoriis di politiche linguistiche" di Adrian Cescje

"difûr al neveave e, par tornâ sul tart, a riscjavin di ribaltâsi cu la machine che e slitave sul glaçât"

gjavât fûr di "Par stradis lungjis" di Alan Brusini

"al jere montât in machine, par fâ chel ultin toc di strade"

gjavât fûr di "Il sium di Lissandri" di Franca Mainardis

machine s.f.
(ma-chi-ne)

Part di un mieç di traspuart che e à il motôr

esemplis

"la machine e sivile e el vapôr al torne in Friûl, a planc a planc"

gjavât fûr di "Viaç a Vignesie" di Arturo Feruglio

machine s.f.
(ma-chi-ne)

Imprest a motôr par bati il forment o altris grans

sinonims

trebie, machine di bati forment

esemplis

"il miôr dai frutats dal paîs erin su la machine e nô frutatis a dâur i balçs"

gjavât fûr di "Sabide Sante" di Pieri Somede dai Marcs

machine s.f.
(ma-chi-ne)

In metaforis o comparazions, par dî cui che al lavore o al fâs alc une vore svelt e precîs (fig.)

esemplis

"un moto continuo di fornasîrs daûr a piconâ a cariolâ a stampâ e cuei. Come machinis!"

gjavât fûr di "Mabile la Lunghine" di Maria Forte

"al lavore dut il dì, al è une machine"

machine s.f.
(ma-chi-ne)

Ent o ativitât cuntune cierte struture o cuntun funzionament complès (fig.)

sinonims

organizazion, struture

esemplis

"o vevi movude la machine dal Olf e po de Arlef par produsi une propueste di leç di tutele scolastiche"

gjavât fûr di "Memoriis di politiche linguistiche" di Adrian Cescje

"lassait che la machine istituzionâl e fasi lis robis cui siei timps e cui siei mûts"

gjavât fûr di "Vuere e pâs - Il conflit linguistic in Friûl jenfri vuere cidine e pâs bausarie" di Sandri Carrozzo

"la rusine machine de justizie e scomençà a movisi"

gjavât fûr di "Cretevierte" di Roberto Ongaro

machine s.f.
(ma-chi-ne)

[TS] (inform.) Imprest pe elaborazion eletroniche dai dâts, considerât intai aspiets fisics e mecanics

esemplis

"machinis (hardware) e programs (software) sofisticâts"

gjavât fûr di "Corpus linguistics" di Vladimir Petkevic

monolengâl