SuperDizionari

mafie s.f.
(ma-fi-e)

Ande di cui che al è masse braurôs di cui che al è, di ce che al à, di ce che al fâs, dal so aspiet

sinonims

albasie, bote, braùre, burbane, caghe, pompe, scaghe, smafare, suficience, supierbie, mierde

esemplis

"la baronade e jere fate! Jucant e sgagnint plens di mafie chei laris a tornarin cjase a fâ cjoche"

gjavât fûr di "La mont cu la spice discrodeade" di Josef Cjargnel

"un panorame svariât di ideis e di progjets, no simpri dacuardi tra di lôr, ma unîts dal stes amôr pe nestre tiere e pal so futûr. Di chest o vin di jessi convints, abandonant la mafie di jessi ognidun miôr di chei altris"

gjavât fûr di "Fuarcis gnovis par gnovis bataiis" di Dree Valcic

mafie s.f.
(ma-fi-e)

Organizazion criminâl origjinarie de Sicilie ocidentâl, fondade su grups ancje di fonde familiâr, cuntune jerarchie e un so codiç di onôr

sinonims

societât onorade

esemplis

"[Pino Puglisi] impegnât cuintri la mafie, al à lavorât tant cui fruts, par tirâju vie de strade e fâ di mût che no finissin par deventâ delincuents"

gjavât fûr di "Strolic Furlan pal 2015" di Claudio Romanzin

mafie s.f.
(ma-fi-e)

Grup di personis che al puarte indenant i siei interès cence scrupui

sinonims

clape, manie, paste intindude, camore

esemplis

"une mànie di int vendude ae mafie democristiane"

gjavât fûr di "Universitât furlane: frignâ o cjapâ sù un racli?" di Antoni Beline

monolengâl