SuperDizionari

magjie s.f.
(ma-gji-e)

Art o sapience oculte che e pretint di dominâ lis fuarcis naturâls cun cognossincis e ritualitâts segretis e misteriosis

esemplis

"la mnemotecniche rinassimentâl nudride di filosofie oculte, di magjie, di astrologjie"

gjavât fûr di "Il brevet" di Mario Turello

magjie s.f.
(ma-gji-e)

At magjic

sinonims

fature, incjant, magheç, scontradure, strioneç, strolegheç, strieç, trist voli, malvoli

esemplis

"cuant che, in cualchi cjase, cualchidun al veve cjapât il striament [..] si cirive di fâlu vuarî no cui miedis, ma cu lis magjiis"

gjavât fûr di "Il fugaron des striis" di Popolâr

magjie s.f.
(ma-gji-e)

Art o truc ilusionistic

sinonims

magheç, zûc, zûc di magjie, ilusionisim

esemplis

"[il colin - Lykopodium Clavatum] al ven ancje doprât tai trucs di magjie: sparniçât sul pêl da la aghe nol lasse che ce che si bute dentri si bagni"

gjavât fûr di "Salvans!" di Sandri Di Suald

magjie s.f.
(ma-gji-e)

Impression o atmosfere positive che e jentre insot tai sintiments (fig.)

sinonims

incjant

esemplis

"o ai volût gjoldi cun dute la anime la magjie uniche di chê zornade"

gjavât fûr di "Memoriis di politiche linguistiche" di Adrian Cescje

magjie s.f.
(ma-gji-e)

Ce che al inmaghe, che al incee (fig.)

sinonims

incjant

esemplis

"e jere la miôr robe de cjase, la magjie di chê flame [tal fogolâr]; compagne e discompagne come la vite"

gjavât fûr di "Cjase di Dalban" di Maria Forte

monolengâl