Tu âs cirût la peraule
monolengâl
torne indaûr

monolengâl

mai altri loc.av.
In nissun altri moment tal futûr o dopo di un ciert tiermin temporâl
sinonims
mai plui, mai plui e mai altri, mai e mai altri, mai, plui
esemplis
"passe vuê, passe doman, mai altri nol tornave"
gjavât fûr di "Contents e malcontents" di Catarine Percude
"mi ricuardi ancje che une dì, stant a Camaldoli, vevi rilevât dut il profîl del golf cu lis sôs isulis, chel biel panorame, chel paradîs, che no dismentearai mai altri insin che vîf"
gjavât fûr di "Trê Rafaei in jerbe" di Giovanni Gortani
mai altri loc.av.
In nissun altri moment tal passât o prime di un ciert tiermin temporâl
sinonims
mai, mai plui
esemplis
"mi jeri visade che dentri di me al cresseve un bruseghin mai altri sintût cun tante fuarce"
gjavât fûr di "Trê feminis" di Gianni Gregoricchio
"al nas fintremai un sfuei, "In Uaite", par dâi une vôs a di chel che nol veve mai altri rivât a fâsi scoltâ"
gjavât fûr di "La ocasion pierdude" di Remo Cacitti
mai altri loc.av.
In nissun câs, in nissune ipotesi
sinonims
mai plui, mai plui e mai altri, mai e mai altri, mai
esemplis
"mai altri no varès crodût che mi capitàs une robe compagne"
mai altri loc.av., loc.inter.
Ancje par esprimi che si refude dal dut une ipotesi o un fat
sinonims
mai plui, mai plui e mai altri, mai e mai altri, mai
detulis
"ancje vuê mâl, e po mai altri ben"
torne sù