SuperDizionari

mancjance s.f.
(man-cjan-ce)

Il no jessi o il no jessi avonde e il lôr risultât

sinonims

assence, insuficience, scjarsetât

esemplis

"une dolorose mancjance di fuarcis, là che al veve i braçs infurmiâts"

gjavât fûr di "Tal ospedâl" di Amedeo Giacomini

"la colpe e je vuestre e de vuestre trascurance e de vuestre mancjance di cussience e di sintiment"

gjavât fûr di "Lis predicjis dal muini" di Josef Marchet

"il pês de vite, la mancjance di prospetivis e di sperancis che ti puartin a progjetâ, a jessi creatîf, a lâ indenant, a riscjâ"

gjavât fûr di "Sant Jacum, là che al finìs il mont" di Antoni Beline

mancjance s.f.
(man-cjan-ce)

Di cdn., il jessi o il no jessi lontan

sinonims

assence

esemplis

"cuant che al tornà te salute al pareve che nissun no si fos inacuart de sô mancjance"

gjavât fûr di "Tal ospedâl" di Amedeo Giacomini

mancjance s.f.
(man-cjan-ce)

Violazion di une regule o di une abitudin, compuartament che no si calcole coret (fig.)

sinonims

colpe, erôr, falope, infrazion, trascurance, trasgression, mende

esemplis

"Zuan nol doprà peraulis ruspiis cun lôr. Lis lôr mancjancis, aromai, lu indoloravin sì, ma cence plui intosseâlu"

gjavât fûr di "La tiere di Lansing" di Maria Forte

"il mestri di Rafael, a pet des mancjancis plui seriis e recidivis, al sierave a clâf un frut a la volte tun busigatul a scûr "

gjavât fûr di "Vuadagnâsi il gustâ" di Ivano Urli

mancjance s.f.
(man-cjan-ce)

Incompletece, element che al mancje o che al è difetôs o di corezi

sinonims

ombre, mende, difiet

esemplis

"chest progjet al à di lâ indevant [...] e o crodìn che, cun dutis lis sôs mancjancis, al mostri la strade par che la nestre lenghe e sedi un valôr fuart"

gjavât fûr di "Ce che al è stât fat tal 2000 e ce che si previôt pal 2001" di Donato Toffoli

monolengâl