SuperDizionari

torne indaûr

monolengâl

mancul av., adi.inv., pron.
(man-cul)

In cuantitât, misure o grât plui bas, al forme il comparatîf di minorance, ancje cun chel altri tiermin sotintindût

esemplis

"chel altri progjet al jere mancul clâr, nol veve ancjemò une imbastidure"

gjavât fûr di "Il sium di Lissandri" di Franca Mainardis

"la plui part e capìs e e fevele furlan, pôcs lu lein e inmò mancul lu scrivin"

gjavât fûr di "La promozion de lenghe furlane sui mass media" di Erika Adami

"al mangjave mancul di un uciel"

gjavât fûr di "Il miracul dal plevan di Trep" di Pieri Menis

"in mancul di un cuart di ore al jere za tornât sul puest"

gjavât fûr di "Cretevierte" di Roberto Ongaro

"mi displâs che usgnot, par vie dai cavalîrs o dal sorc di ledrâ, o sin culì in mancul dal solit"

gjavât fûr di "Lis predicjis dal muini" di Josef Marchet

"mancul scriture e je e mancul bausiis a stan"

gjavât fûr di "I furlans e i gjornâi" di Riedo Pup

mancul av.
(man-cul)

Daûr di un articul definît o di un dimostratîf e denant di un adietîf al forme il superlatîf relatîf di minorance

esemplis

"il gno paîs al è un paîs tra i mancul impuartants, tra i mancul che si dan aiars, tra i plui minûts dal Friûl"

gjavât fûr di "La "Fieste dai Roncs"" di Meni Ucel

mancul prep.
(man-cul)

(mat.) Al indiche la operazion de sotrazion

sinonims

gjave, vie

esemplis

"dodis mancul cinc al fâs siet"

mancul prep.
(man-cul)

Al pant il gjavâsi di cualsisei entitât di une altre

esemplis

"al veve calcolât di rivà sul puest tor nûf e in fat, a nûf mancul un cuart, al passave dongje de cjase di Italico"

gjavât fûr di "Il muc" di Roberto Ongaro

mancul adi.inv.
(man-cul)

Tes votazions di scuele al pant une valutazion a pene plui basse

esemplis

"cjapâ siet mancul"

mancul adi.inv.
(man-cul)

Te misurazion de temperadure, al segne i valôrs sot dal zero

esemplis

"si vise dome dal segn sul termometri picjât li vicin: mancul 34 grâts"

gjavât fûr di "Faliscjis" di Cristina Noacco

mancul prep.
(man-cul)

Par introdusi une ecezion

sinonims

fûr che, gjavant, gjavant che, gjavât, gjavât che, gjave, gjave che, mancul che

esemplis

"e comprà il mâs di Cleve: dute la cueste maladete, mancul chel cjamp da pît, dongje la aghe, che al jere dai Burins"

gjavât fûr di "La aghe da pît la cleve" di Dino Virgili

mancul s.m.
(man-cul)

Dome tal sing., la robe minime

esemplis

"o domandìn che l'ordenament autonomistic che nus vignarà dât, al rispieti il furlan, che i permeti di mantignîsi e di confermâsi, che lu favorissi. [...] Chest al è il mancul che si puedi pretindi intun ordenament autonomistic"

gjavât fûr di "Autonomie e lengaç" di Josef Marchet

detulis

"bisugne spindi simpri un solt di mancul di chel che si vuadagne"

"cui che al pretint di savê plui, al sa mancul"

"cui che nol cjate bêçs tes sôs sachetis int cjate mancul in chês di chei altris"

"cui che nol paie il pôc al paie mancul il trop"

"cui che nol ten cont dal so, mancul di chel di chei altris"

"cui che plui al bêf mancul al bêf"

"cui che plui al dîs mancul al fâs"

"cui che plui al sa mancul al sa"

"cui che plui al spint mancul al spint"

"fat il plui si fâs ancje il mancul"

"il diaul al sta là che mancul si crôt"

"il jeur al sta là che mancul si crôt"

"mancul al sa cui che plui al crôt di savê"

"mancul peraulis e plui fats"

"mancul robe e plui non"

"mancul si sa e plui ben si sta"

"mancul siôr e plui bêçs"

"o plui fen o mancul cjavris"

"o plui fen o mancul nemâi"

"o plui fen o mancul pioris"

"plui a 'nd è e mancul a pesin"

"plui ind mûr e mancul ind reste"

"plui si è, mancul si fâs"

"un plat di mancul e un lusôr di plui"

torne sù