SuperDizionari

marum s.m.
(ma-rum)

[BF] Savôr amâr o robe che e à un savôr amâr

marum s.m.
(ma-rum)

[CO] Sintiment, sensazion o situazion di displasê che al pese, che al fâs malinconie

sinonimi

amarece, aviliment, avilizion, cruzi, displasê, dolôr, gramece, lancûr, malincûr, maluserie, smare

esempi

"dopo un altri moment al butà fûr il marum che i pesave sul stomi come se al fos stât di plomp: «Milie, jo ti conti dut… ma tu âs di zurâ chi denant dal ritrat di nestre mari che no tu disarâs nuie a dinissun [...]»"

da "Si disarès che e je inventade" di Pieri Menis

"metêt tal nestri cûr almancul la sperance che podìn viodi un pôc di lusôr fra tant marum… judaitmi a lâ indenant"

da "L'ombrenâr" di Pieri Somede dai Marcs

marum s.m.
(ma-rum)

[CO] Sintiment, sensazion o situazion di displasê agressîf, di ostilitât o di ofese

sinonimi

malevolence, maluserie, nimistât, odi, odie, ostilitât, rancûr, ranzidum, ruze, tristerie, velen, asse, tension, rabie, bile

esempi

"no si disbotonave mai, fale cualchi volte che si sbrocave cun Min par parâ jù il marum di cualchi malegracie dai nevôts"

da "Aiar di cjase" di Franca Mainardis

"fra di lôr al coreve ancje cualchi marum parcè che lis oris a vevin di sei chês e chel tant di materiâl al veve di saltâ fûr"

da "La tiere di Lansing" di Maria Forte

"dentri di te al mour dut e al cres doma marum, rabia e voia di trai folcs"

da "Donald dal Tiliment" di Stiefin Morat

monolingue