Hai cercato la parola
monolingue
Torna indietro

monolingue

mateç s.m.
(ma-teç)
Robe dite o fate par ridi, par scherçâ
sinonimi
gjeromete, scherç, zûc
esempi
"ce strenziment di cûr… Mi pareve di jessi sôl sôl, ne i mateçs dai fruts, ne lis cjarecis di cualchi mestri e podevin consolâmi"
da "O mi ricuardi" di Pieri Somede dai Marcs
"Pieri al ste un biel toc a scoltâ i mateçs e lis barzaletis di chei gnûfs cognossints"
da "Tal ospedâl" di Amedeo Giacomini
mateç s.m.
(ma-teç)
Robe fate par divertîsi
sinonimi
sbaldiment, divertiment
esempi
"vô là jù, Mariute di Bet, che no veis stât ne a balâ ne a fâ mateçs, ma o veis tribulât di fantate a tirâ sù i fradis plui piçui che vuestre mari e veve lassâts vuarfins, [...] la vaîso la zoventût sacrificade?"
da "Lis predicjis dal muini" di Josef Marchet
mateç s.m.
(ma-teç)
Fat stramp o dificil di previodi, che al somee che al sucedi par burlâ (fig.)
sinonimi
camofe, capriç, creste, gjeromete, matade, matierie, menade, strambade, tic, tîr
esempi
"al mude parfin il paisaç. No covente nancje spietâ cetant timp: un mateç dal Tiliment e Mussons e Sant Pauli a restin di chê altre bande cui siei cristians"
da "Madalene" di Franco Marchetta
mateç s.m.
(ma-teç)
Desideri pretenziôs o mudament di umôr imburît e pôc razionâl
sinonimi
camofe, caprici
esempi
"la funzion regâl e jere regolade duncje dai principis consuetudinaris e [...] e veve un rûl di protezion dai sotans "cuintri dai mateçs di chei che a guviernin""
da "La invenzion dal stât" di Fabian Ros
mateç s.m.
(ma-teç)
Robe pôc serie, di pocje impuartance
sinonimi
fufigne
esempi
"«A Silia a i sta in cour dome da cjantâ.» A pi di un in cjasa a i faseva fastidi, parcè che a era maridada, a disevin, e a faseva stomi a pierdasi in mateçs"
da "Li sisili da la ava" di Novella Cantarutti
mateç s.m.
(ma-teç)
Robe problematiche
sinonimi
rogne, fastidi, afâr, afâr seri, cuistion, secjadure
esempi
"[pal çuet che al veve une gjambe di fier] un altri mateç al jere chel di sentâsi suntune cjadree"
da "I zimuluts dal Çuet" di Riedo Pup
"il contat al fâs saltâ l'eletric, al sune l'alarme, al è dut un corîr e un mateç no di pôc pai sorestants dal implant"
da "Storie di Min" di Ivano Urli
Torna in Cima