SuperDizionari

materiâl adi.
(ma-te-ri-âl)

Fat di materie, che si pues percepî cui sens

sinonims

sensibil, concret, corpori, reâl

esemplis

"la sistemazion e la valorizazion di bens culturâi mobii e stabii, sedi materiâi che no materiâi"

gjavât fûr di "Relazion dal Grup di lavôr “Planificazion linguistiche”" di Donato Toffoli

"al pareve che al esistès nome il mont des robis materiâls, ma plui inlà e jere une dimension invisibile, magjiche, dulà che a vevin il lôr nît lis Potencis spirituâls"

gjavât fûr di "Il dolfin" di Carlo Sgorlon

Viôt ancje: matereâl

materiâl adi.
(ma-te-ri-âl)

Che al à a ce fâ cu la materie, cul cuarp, cu la robe, cui bêçs, cul mangjâ e v.i.

esemplis

"cumò che al veve une cjamare, un lavôr, che nol veve grandis preocupazions materiâls, al veve dentri une spine di altri gjenar"

gjavât fûr di "Prime di sere" di Carlo Sgorlon

materiâl s.m.
(ma-te-ri-âl)

Sostance grese o prodot intermedi

esemplis

"a vevin infornât e disfornât cetantis mai voltis, e il matereâl [modons] al jere lât ben, e vendût"

gjavât fûr di "La tiere di Lansing" di Maria Forte

"cjapait sù il dopli di operaris, cjolêt a nauli altris cjars e cjavai par tirâ dongje il matereâl, e lait indenant: dentri dal mês o vin di meti sù il cuviert"

gjavât fûr di "Lis nestris rosis" di Pieri Somede dai Marcs

materiâl s.m.
(ma-te-ri-âl)

Complès di imprescj, documents, publicazions e v.i. che a coventin par une cierte ativitât o che a fasin part di une cierte categorie

esemplis

"e je stade realizade, invezit, la plateforme internet multimediâl che e met adun materiâi audio, video e di test in lenghe furlane che a rivin dai principâi produtôrs privâts finanziâts de ARLeF e de Regjon"

gjavât fûr di "La lenghe furlane tai mieçs di comunicazion" di Erika Adami

materiâl adi., s.m.
(ma-te-ri-âl)

Tren pal traspuart des marcjanziis

esemplis

"Rugjêr e cualchi altri soldât a àn cjaminât par dodis dîs inte nêf, fin cuant che a àn sintût a soflâ un tren materiâl, cui vagons vierts di une bande"

gjavât fûr di "Faliscjis" di Cristina Noacco

monolengâl