Tu âs cirût la peraule
monolengâl
torne indaûr

monolengâl

matetât s.f.
(ma-te-tât)
Malatie mentâl o cundizion di jessi mat, di vê disturps mentâi, di resonâ o percepî la realtât in maniere anormâl
sinonims
alienazion, manie, matece, maturie, rascje, strabalç
esemplis
"il mût maniacâl di tignî dongje la memorie di Luzie lu puartave diret tal esauriment gnervôs e a un pas de matetât"
gjavât fûr di "Un brut dopodimisdì" di Adriano Nascimbeni
matetât s.f.
(ma-te-tât)
Passion une vore fuarte (fig.)
sinonims
manie
esemplis
"a mi personalmentri che o ai la matetât di scrivi, plui di cualchidun al à vût dite tra di lôr che o ai il Diaul intormi"
gjavât fûr di "Un om denigrât" di Alan Brusini
matetât s.f.
(ma-te-tât)
Resonament , discors o azion di mat, cence sintiment, cence nissune prudence e v.i.
sinonims
assurditât, matarade, mateç, svariament, çavariament
esemplis
"tai voi dut un disordin e un vuast gnûf, tant di fâ pensâ che, in chel cjâf, a varessin podût nassi matetâts pericolosis"
gjavât fûr di "La tiere di Lansing" di Maria Forte
"cuatri zovins di chei che a son te ete des burianis e des matetâts"
gjavât fûr di "Il gjatat neri dai Fers" di Josef Cjargnel
matetât s.f.
(ma-te-tât)
Robe che e je o che e somee impussibile (fig.)
sinonims
assurditât, robe di mats, bestialitât
esemplis
"il biel al è che lis matetâts che si viodin tai insiums si lis calcole come veris"
gjavât fûr di "Il cjâf dai furlans" di Franc Fari
"ce che îr al podeve someâ une grande matetât [...] al è deventât un “insium” possibil e condividût"
gjavât fûr di "Une puarte vierte tal cûr de Europe" di Redazion La Patrie dal Friûl
torne sù