SuperDizionari

monolingue

medisine s.f.
(me-di-si-ne)

Sostance o preparazion che e à efiets bogns tal curâ malatiis, cuntune azion chimiche o fisiche

sinonimi

medecule, medele, medisinâl

esempi

"cor sù in speziarie a cjoli lis medisinis di cheste recipe"

da "Cjase di Dalban" di Maria Forte

"fâ atenzion ae interazion tra medisinis e alcul e consultâ il miedi"

da "Mole il bevi!" di Guglielmo Pitzalis

Vedi anche: midisine

medisine s.f.
(me-di-si-ne)

Sience che e studie i fenomens patologjics che a modifichin l'organisim dal om par cognossiju, prevignîju e curâju

esempi

"la peniciline e je il prin antibiotic doprât in medisine e il prin produsût di un vêr fonc"

da "La discuvierte dai antibiotics. Peniciline - l'antibiotic che al à stentât a nassi" di Redazion SSTF

medisine s.f.
(me-di-si-ne)

[TS] (med.) Repart di ospedâl li che si tratin pal plui malâts cun patologjiis internis acudis

esempi

"Graziella tal ospedâl dopo stade in medisine le àn spostade in neurochirurgjie"

da "Jo e Graziella" di Mario Beltramini

medisine s.f.
(me-di-si-ne)

Cualsisei robe che e zovi cuintri di un malstâ o ancje cuintri di une robe negative (fig.)

sinonimi

cure, rimiedi, terapie

esempi

"i tornavin lis peraulis de Leni «Se ti cjape la malinconie pense a mi». Lui le cirive cul pinsîr; come un sbaldiment, come une medisine"

da "La tiere di Lansing" di Maria Forte

proverbi

"al è miôr spindi in pan che no in medisinis"

"al vâl plui il baston di un pastôr che no la medisine di un grant dotôr"

"cuant che al è destinât no vâl ni miedi ni medisine"

"diete e je la prime medisine"

"la femine cjitine il diaul le bêf par medisine"

"miôr spindi in pan che no in medisine"

"une femine cjitine, il diaul le bêf par medisine"

Torna in Cima