SuperDizionari

meti lis mans loc.v.

Tocjâ

esempi

"Marilde e jere bielote e za esperte di oms, cuntun par di agns plui di lui, che i meteve lis mans pardut e che si maraveave di cjatâlu cussì timit"

da "Par stradis lungjis" di Alan Brusini

meti lis mans loc.v.

Rivâ a cjapâ, a vê

esempi

"rivant chenti, la republiche di Vignesie e meteve lis mans suntune Regjon dal dut diferente"

da "Cuintristorie dal Friûl fin sot la Italie" di Josef Marchet

"i siei fradis a vevin metudis lis mans su dut il patrimoni, come se lui al fos bielzà lât in chel altri mont"

da "Ombris tal infinît" di Carlo Sgorlon

meti lis mans loc.v.

Intervignî, fâ alc, soredut par comedâ

sinonimi

meti man

esempi

"Lissandri nol rivave a pensâ a altri che a chê puare femine, bessole a frontâ une disgracie cussì grande; forsit no saveve nancje indulà meti lis mans, no saveve cemût voltâsi in chê circostance"

da "Il sium di Lissandri" di Franca Mainardis

"se o confrontìn chestis ideis cun chês di Windows si viôt la diference: li e je dome une version, chê de Microsoft, e dome lôr a puedin meti lis mans, parcè che il codiç daûr nol è public"

da "Linux: libars di… digjitâ" di Andrea Decorte

monolingue