SuperDizionari

meti vie loc.v.

Meti alc dulà che al pues stâ cuant che no si lu dopre

esemplis

""Carlut, met vie ben tal scansel i tiei libris""

gjavât fûr di "Resurezion a Pontinie" di Pieri Somede dai Marcs

"Pieri al meteve vie ogni robute tal so puest cu la pazience di un oresin; al fassave lis ombrenis e lis leave cu la cinturele di corean, po al partive cu la crôs de crassigne e il cjapiel sburtât indaûr"

gjavât fûr di "Il bal spasimât des ombrenis" di Maria Forte

meti vie loc.v.

Tignî alc a disposizion par se stes o par altris, par podêlu vê o doprâ cuant che al covente

sinonims

meti in bande, tignî cont, tignî di bande, dâ dongje, meti dongje, meti di bande, meti de bande

esemplis

"se ti vanze cualchi tocut di tele metile vie pal nestri frut"

gjavât fûr di "I trê cjadreons" di Andreina Nicoloso Ciceri

"«Ma no sâstu che chi al jere par ducj?». E lui: «Orpo, femine, o disevi jo, ve, cetant cicin che tu mi vevis metût vie par usgnot! »"

gjavât fûr di "Il cicin" di Meni Ucel

meti vie loc.v.

Lassâ stâ, in maniere provisorie o definitive, un progjet, une ativitât, une maniere di fâ e v.i.

sinonims

meti in bande, lassâ di bande, lassâ de bande, lassâ in bande, butâ di bande, butâ de bande, butâ in bande, parâ in bande, parâ di bande, parâ de bande

esemplis

"i osservatôrs politics a pensavin che, une volte centrât l'obietîf di vê un Parlament indipendent di chel di Londre, i scozês si saressin contentâts, metint vie par simpri ogni sperance di une secession"

gjavât fûr di "Alex Salmond, il moderât plui dûr dal fier" di Simone Bressan

monolengâl