SuperDizionari

metri s.m.
(me-tri)

Unitât di misure fondamentâl di lungjece dal sisteme metric decimâl

esemplis

"la arie e jere avonde frescje: Airolo al è un paîs sui mil e cent metris sore il nivel dal mâr"

gjavât fûr di "Fieste di inaugurazion" di Agnul di Spere

"il Stadi al è une plane retangolâr di 30 metris di largjece e di 192,25 metris o di 600 pîts di lungjece che, daûr la liende, a forin misurâts di Eracle cuant che al istituì lis corsis"

gjavât fûr di "Viaç aes origjins dal Logos" di Adrian Cescje

"al cjaminave cul so pas lizêr, di vilût, a ret dai mûrs, cul so baston blanc, par vie che nol viodeve plui lontan di un metri"

gjavât fûr di "Il dolfin" di Carlo Sgorlon

Viôt ancje: metro

metri s.m.
(me-tri)

Curdele, steche o altri imprest cun segnâts i centimetris, ancje plui lungje di un metri, che si dopre par misurâ

esemplis

"i miei imprescj a jerin: la see, il martiel, i clauts, la borse dai clauts, il metri di len e la curdele"

gjavât fûr di "Une cjacarade cui lavoradôrs" di AAVV

metri s.m.
(me-tri)

Criteri di valutazion, element di confront (fig.)

esemplis

"a judin dome in part a risolvi la cuistion altris criteris doprâts par distingui lenghe e dialet tant che la presince o no di une produzion leterarie acetabile (cuâl isal il metri di judizi, in chest câs?)"

gjavât fûr di "Minorancis linguistichis" di Marc Stolf

"si à di vê il coragjo, cuant che si fevele di certis robis, di spiegâ ancje il metri che si dopre"

gjavât fûr di "Paîs e citât" di Antoni Beline

metri s.m.
(me-tri)

[TS] (metr.) Misure tipiche di un viers poetic, individuade daûr dal numar des silabis, in particolâr di chês tonichis, de lôr distribuzion e in ciertis lenghis de lôr cuantitât

esemplis

"la vilote e dopre l’otonari, che al è il metri dal cjant liric monostrofic, e al è di 4 riis"

gjavât fûr di "Lino Straulino: vuê al è plui anticonformist cjantâ vilotis che no cjantâ rock ‘n roll: la tipicitât de nestre musiche no pues fermâsi dome sul aspiet linguistic" di Natascia Gargano

monolengâl