SuperDizionari

monolengâl

mierde s.f.
(mier-de)

Escrement di om o di bestie che al derive de digjestion dal mangjâ

sinonims

cacan, meuse

esemplis

"a vore inte casermete [...] a rassâ i cessos dal Comant che li dentri a son ancjemò di netâ lis mierdis dai Fassiscj de Milizie"

gjavât fûr di "Storie di Min" di Ivano Urli

"une dì o vevi tirât sù une mierde di cjan par vie di chei bregons a zampa che a levin di mode e che a strissinavin fin par tiere"

gjavât fûr di "Joe Tex e Joe Cocker" di Checo Tam

mierde s.f.
(mier-de)

Robe o ancje persone che si calcole in cualsisei maniere negative o di dispreseâ (fig.)

esemplis

"no ai voio di vio duto la mê mont impestado di chê mierdo nero [di petroli]"

gjavât fûr di "Geologicamente impossibile" di Fulvio ReddKaa Romanin

"cumò no si vise che o sin D-citadins, che o sin la miarde"

gjavât fûr di "Donald dal Tiliment" di Stiefin Morat

mierde s.f.
(mier-de)

Situazion une vore negative o ancje pericolose (fig.)

esemplis

"chi o sin ducj te mierde!"

gjavât fûr di "La globalizazion de sensibilitât" di Antoni Beline

""Alido no stâ lâ, tu cji mets te mierdo""

gjavât fûr di "Geologicamente impossibile" di Fulvio ReddKaa Romanin

mierde s.f.
(mier-de)

Ande di superioritât (fig.)

sinonims

caghe, scaghe, puce sot dal nâs, mufe

esemplis

"e veve un grant morbin e tante ma tante caghe intor. Nô o disìn mierde"

gjavât fûr di "Queen Anastasia" di Checo Tam

mierde s.f.
(mier-de)

Cun valôr di inter., par pandi rabie, fastidi e sim. (coloc.)

esemplis

""Mierde! O ai finît i bêçs, âstu dîs centesims?""

gjavât fûr di "Picjâts" di Raffaele Serafini

"“ Mierde!” al porconà saltant jù de machine e tacant a cori daûr di Zac"

gjavât fûr di "Light my Fire" di Franco Marchetta

detulis

"a impaçâsi cui fruts, si fâs lis mans di mierde"

"anade di jerbe, anade di mierde"

"cjar e fâs cjar e jerbe a fâs mierde"

"flocs e botons la mierde pai talons"

"la mierde che e monte in scagn o che e puce o che e fâs dam"

"la mierde che e salte in scagn o che e puce o che e fâs dam"

"mierde montade in scagn o che a puce o che a fâs dam"

"prin rosis e flocs, po mierde e peçots"

"robe e fâs robe e mierde a fâs mierde"

"un matrimoni fra doi zovins al è un matrimoni dal Signôr, un matrimoni fra doi viei al è un matrimoni di mierde, un matrimoni fra un zovin e un vieli al è un matrimoni dal diaul"

torne sù