Tu âs cirût la peraule
monolengâl
torne indaûr

monolengâl

mieç adi.num., pron.num.
Che al corispuint a une des dôs parts compagnis che a puedin componi une unitât, ancje in sens aprossimatîf
esemplis
"lu veve tirât sù di frut un barbe predi, plevan dal paîs par mieç secul"
gjavât fûr di "Un muart su la strade" di Pieri Somede dai Marcs
"doi milions e mieç di agns indaûr [i ominidis] a àn scomençât a fâ sù struments di piere"
gjavât fûr di "La evoluzion dal cerviel e de cussience tai vertebrâts" di Franc Fari
"un di Talmassons al veve di fâ jentrâ a Udin [cence paiâ il dazi] plui di mieç purcit par une tratorie"
gjavât fûr di "Domandait al paron" di Angelo Covazzi
"mieze robe roseade des pantianis. Cuasi dut pierdût"
gjavât fûr di "Sic transit gloria mundi" di Checo Tam
mieç s.m.
Ognidune des parts che, metudis adun, a formin un intîr
sinonims
metât
esemplis
"dividi un miluç in doi mieçs"
mieç s.m.
Pont che al è tal centri di alc, a metât tal spazi, tal timp, te cuantitât
sinonims
metât
esemplis
"al slargjà il tavaiuç a cuadris e al poià tal mieç il plat de fertaie"
gjavât fûr di "I furlans e la creance" di Riedo Pup
mieç adi.
In locuzions che a indichin la part centrâl di alc
esemplis
"Rico Cragnulin al viveve te sô cjase a mieç Cjampeon"
gjavât fûr di "Credit" di Meni Ucel
"il segret al jere che cjase sô, un pressapôc a mieze cjase, sot di une planele rosse a jerin platâts i trê chilos di aur"
gjavât fûr di "Storie di Min" di Ivano Urli
"la zornade no podeve sei di miôr, une zornade di aur di mieç Setembar"
gjavât fûr di "Amîs come prime" di Alan Brusini
mieç adi.
In funz av., par metât
sinonims
metât
esemplis
"la storie di Vera e je chê di une frute mieze russe e mieze ucraine "
gjavât fûr di "Storie di Vera" di Ivano Urli
"[par Carnevâl] al faseve une figurone un Tombin, un mataran di zovin, che al capitave vistût mieç di om e mieç di femine"
gjavât fûr di "Mascaris e... maraveis" di Pieri Menis
mieç adi.
Par esprimi indeterminatece, incompletece, aprossimazion
sinonims
cuasi
esemplis
"la vilie di Nadâl dal '16, sul front in Trentin [...] e jere mieze fieste ancje in trincee"
gjavât fûr di "I furlans e la pâs" di Riedo Pup
"cuant che cheste gnove e fo cognossude a Vignesie, al mancjà pôc che si scjadenàs une mieze rivoluzion"
gjavât fûr di "Zuan Batiste Cavedalis - Une vite esemplâr" di Giovanni Pillinini
mieç s.m.
Fluit, sostance, ambient e v.i., là che al capite alc
esemplis
"[la lûs] rifratade e trasmetude midiant di un mieç rifratôr trasparent e risulte almancul in part polarizade"
gjavât fûr di "La polarizazion de lûs" di Marisa Michelini, Alberto Stefanel
mieç s.m.
Ce che al covente par fâ alc, par otignî un risultât e v.i.
sinonims
imprest, strument, mût, vie, maniere, strade
esemplis
"la vuere, considerade no come un fat autonom, ma come la continuazion di une politiche cun mieçs diferents"
gjavât fûr di "Zuan Batiste Cavedalis - Une vite esemplâr" di Giovanni Pillinini
"la lôr volontât e je compagne identiche di chê dai fassiscj di îr, e i mieçs che a intindin doprâ e son chei istès"
gjavât fûr di "Ce che a vuelin" di Josef Marchet
mieç s.m.
Sostance, bêçs
sinonims
bêç, monede, patrimoni, sostance
esemplis
"l'artesan nol veve i mieçs par paiâsi un avocat di sest"
gjavât fûr di "L'om che al pierdeve pinsîrs pe strade" di Fabian Ros
detulis
"a Madone des cjandelis, se al è nûl o sin fûr, se al è clâr a mieç Invier"
"a un mat, un mat e mieç"
"al è simpri mieç mont di vendi"
"barbe ben savonade e je mieze fate"
"cjamp sierât al è mieç coltât"
"cuant che la fam e je a mieç il cîl, la polente a sa di mîl"
"cul art e cul ingjan si campe mieç an, cul art e cul mistîr si campe l'an intîr"
"cul art e cul ingjan si vîf nome mieç an, cul art e la bausie si manten la massarie"
"cul art e cul ingjan si vîf nome mieç an, cul ingjan e cul art si vîf chê altre part"
"cul tignî cont si devente parons di mieç mont"
"Diu mieze zornade le passe a fâlis, e chê altre mieze a dâlis"
"domandâ al è mieç savê"
"il fûc al è mieze compagnie"
"il mont al è mieç di vendi e mieç di comprâ"
"in dutis lis robis une robe di mieç"
"la pipe e je une mieze compagnie"
"lavôr mieç fat al è biel finît"
"letare scrite e je mieze spedide"
"lune di brume mieze sute e mieze bagnade"
"mieze la robe e sta sot de lenghe"
"mieze la robe e sta te peraule"
"muîr e je mieze spese"
"om visât al è mieç armât"
"opare ben comandade e je mieze fate"
"par cognossi il furp, al vûl un furp e mieç"
"pecjât confessât, al è mieç perdonât"
"polente e formadi a mieze gjambe"
"robe cjatade, mieze robade"
"Sante Agnese, mieç fen e mieze spese"
"vueli in cime, vin tal mieç, mîl sul fonts"
torne sù