Hai cercato la parola
monolingue
Torna indietro

monolingue

mignestre s.f.
(mi-gnes-tre)
Pitance cun brût e un o plui ingredients, tant che verduris, ortaie, liùms, patatis, pastis, rîs, vuardi e v.i.
esempi
"une buine mignestre di vuardi e fasûi, ben cuinçade cu lis crodionis"
da "Il viaç di Vidisson" di Giovanni Gortani
"e vin sercjât une famose mignestre veneziane: risi e bisi, rîs e sesarons, che al vignarès a stâi"
da "Viaç a Vignesie" di Arturo Feruglio
mignestre s.f.
(mi-gnes-tre)
Situazion, ancje in relazion al fat di lâ indevant o di jessi puartade indevant in cualchi maniere (fig.)
esempi
"zaromai o pensavi che nol jere mût di vignî fûr di cheste mignestre"
da "Donald dal Tiliment" di Stiefin Morat
"o vin tacât a fevelâ di Statût speciâl cuant che o vin viodût cemût che si stave cuinçant la mignestre a Rome"
da "Par intindisi" di Josef Marchet
proverbi
"a impaçâsi cun canaie, la mignestre e pie di fum"
"cuant che il soreli al va a mont, la mignestre a sa di ont"
"femine cence gracie pôc e vâl tant che la mignestre cence sâl"
"i rîs a son la mignestre plui buine e la plui triste"
"i vûl inzen a fâ la mignestre cul len"
"il jet cjalt al fâs la mignestre frede"
"la mignestre e fâs deventâ grancj"
"mignestre riscjaldade a fâs dolôr di panze"
"mignestre riscjaldade no à durade"
"mignestre riscjaldade no je mai buine"
"servitût tornade, mignestre riscjaldade"
Torna in Cima