SuperDizionari

mine s.f.
(mi-ne)

(arm.) Esplosîf che si met intune buse fate intune struture che si à di fâ saltâ

esemplis

"une zornade i minadôrs che a stavin lavorant a forâ la montagne, dopo sclopadis lis minis , a viodin a vignî dal alt un riul di aghe fûr par une trombe vierte tal sofit de galarie"

gjavât fûr di "Lis leiendis di Buie" di Pieri Menis

"nô o vevin di gjavâ sâl, [...] fâ saltâ cu lis minis e po dopo cul picon slargjâ lis stanziis par i machinaris"

gjavât fûr di "Buchenwald 1944" di Max Mauro

mine s.f.
(mi-ne)

(arm.) Bombe particolâr, platade in mût di no jessi viodude dal nemì, che e sclope cuant che cdn. o alc i passe dongje o parsore

esemplis

"al veve vualmât trê rus muarts a mieze strade viers il flum. A jerin lâts par aiar suntune mine , di chês che i alpins a vevin semenadis tai prâts dilunc de Vorska"

gjavât fûr di "Cjalant la rive" di Agnul di Spere

mine s.f.
(mi-ne)

Implant di estrazion di minerâi

esemplis

"a vignevin das montagnes, das Alpes, là, das montagnes, da la campagne, e son rivâts achì [a Charleroi] [...] che cuant che a levin jù ta mine a vaìvin come fruts"

gjavât fûr di "Farcadice - diari di viaç: Charleroi" di Carlo Della Vedova, Luca Peresson

"lis minis di cjarbon in Alberta in Canadà"

gjavât fûr di "Un viaç infinît" di Redazion La Patrie dal Friûl

mine s.f.
(mi-ne)

[CO] Piçule aste di grafite, lungje e fine, di un lapis

monolengâl