Tu âs cirût la peraule
monolengâl
torne indaûr

monolengâl

mission s.f.
(mi-ssi-on)
Il mandâ o il sei mandât li di cdn. par fâ une funzion impuartante, speciâl e v.i. e la funzion stesse che si à di fâ
esemplis
"Cavedalis al le par tant a Mestre cun Medin e Priuli e al si incuintrà cul gjenerâl Gorzkowsky. Ma cheste prime mission no concludè nuie, par vie che lis cundizions proferidis dai todescs a jerin masse duris"
gjavât fûr di "Zuan Batiste Cavedalis - Une vite esemplâr" di Giovanni Pillinini
mission s.f.
(mi-ssi-on)
Azion organizade e complès di personis e struturis impegnadis intune azion organizade cuntun caratar militâr, esploratîf, sientific, umanitari e v.i.
esemplis
"te prime mission, di Brazzà al traviersà i altiplans ch'a disseparin il bacin dal Ogooué dal Congo e al esplorâ il bacin superiôr des aghis Alima e Licona"
gjavât fûr di "Il "concuistadôr" pacific" di Mariangela Toppazzini
mission s.f.
(mi-ssi-on)
Trasfierte di un dipendent par cont di un ent public o di une aziende privade
mission s.f.
(mi-ssi-on)
Il lâ o il mandâ cdn. a slargjâ il messaç religjôs
esemplis
"al è stât let il Vanzeli, che al fevele de mission dai apuestui, juste tal toc che Jesù, dopo che al jere risurît, ur dîs: "’E cumò lait par ducj i sîts dal mont [...]""
gjavât fûr di "Messe grande pai mus" di Renzo Balzan
"a 56 agns, pre Juchin al scuvierzeve di vê la vocazion pes missions, al saludave la int e al partive pal Brasîl"
gjavât fûr di "La fabriche dai predis" di Antoni Beline
mission s.f.
(mi-ssi-on)
Azion e finalitât che si cjape sù cun impegn
esemplis
"il centri de mission de gnove radio al jere chel di dâi ricognossiment al furlan, viodût tant che la lenghe dal popul cuintri de lenghe dal podê"
gjavât fûr di "Un Friûl difarent: i 90 mhz di Onde Furlane" di Max Mauro
torne sù