SuperDizionari

moderni adi., s.m.
(mo-der-ni)

Dai timps di vuê o di un passât resint

sinonims

atuâl, gnûf, resint, contemporani

esemplis

"o scolti ogni gjenar di musiche: pop, rock, classiche, moderne, liriche"

gjavât fûr di "Sul florî" di AAVV

"la fin di une culture e je come il vignî a mancjâ di une rose tal zardin de nestre moderne civiltât"

gjavât fûr di "Al jere une volte il furlan" di Riedo Pup

"no cate lis grandis scuviertis de fisiche moderne, il concet di timp al reste pe plui part discognossût"

gjavât fûr di "Neurosiencis dal dolôr" di Franc Fari

moderni s.m.
(mo-der-ni)

Dut ce che al met in mostre tindincis di chest secul

sinonims

gnûf, contemporani

esemplis

"vierzisi al moderni"

moderni adi., s.m.
(mo-der-ni)

Che, cui che al va daûr dai mûts e des modis dai timps che al vîf, che al è pront a acetâ cualsisei novitât

esemplis

"i siops! Eco une usance furlane passade di mode cul trotâ che e fâs la vite moderne"

gjavât fûr di "I siops" di Pieri Menis

" in Friûl si cjatin in chei agns i architets plui modernis, bogns di miscliçâ insiemi e di meti adun lis tindincis de inovazion americane cu la anime profonde e vere de lôr tiere furlane"

gjavât fûr di "Cuintristorie dal Nûfcent 1950-1960" di Angelo Floramo

moderni adi.
(mo-der-ni)

Che al è rivât a un grât alt di svilup sociâl, economic e culturâl

esemplis

"metisi a pâr cu lis nazions modernis intun ordenament di libertât e di responsabilitât"

gjavât fûr di "La gnespule malmadure" di Josef Marchet

moderni adi.
(mo-der-ni)

[TS] (stor.) Che al à a ce fâ cul timp jenfri la scuvierte de Americhe e il Congrès di Viene

esemplis

"al è interessant di viodi la diference tra il mont moderni e chel medievâl ancje di un pont di viste juridic"

gjavât fûr di "La invenzion dal stât" di Fabian Ros

monolengâl