Hai cercato la parola
monolingue
Torna indietro

monolingue

morâl adi.
(mo-râl)
Che al à a ce fâ cu lis normis che si calcolin justis, no dome a nivel legâl, ma a nivel esistenziâl
esempi
"la ricostruzion materiâl e va indenant come il cai, chê morâl come il gjambar"
da "Preambul rusin" di Josef Marchet
"al podarès capitâ un scjadiment morâl di dute la comunitât"
da "Il muc" di Roberto Ongaro
"propit pal so rigôr morâl, al si jere creât une vore di nemîs personâi, ancje fra i siei stes paisans"
da "Zuan Batiste Cavedalis - Une vite esemplâr" di Giovanni Pillinini
morâl adi.
(mo-râl)
[TS] (filos.) Che al tocje lis cuistions de esistence umane te sô relazion jenfri il ben e il mâl
morâl adi.
(mo-râl)
Che al inten la anime e la part spirituâl dal om
esempi
"dome cognossint ancje il dolôr, fisic e morâl, si cognòs la vite"
da "Moments di ploie e di burlaç" di Antoni Beline
morâl adi.
(mo-râl)
Che nol à un efiet o une sostance a nivel pratic e formâl, ma che al esist o al funzione a nivel psicologjic, solidari, carismatic e v.i.
esempi
"un impegn che dal sigûr al va di là dal sempliç ‘jutori morâl' o culturâl"
da "Memoriis di politiche linguistiche" di Adrian Cescje
morâl s.f.
(mo-râl)
[TS] (filos.) Part de filosofie o de religjon che e cîr di sclarî ce che al è il ben, ce relazion che si à di vê jenfri ben e mâl, cemût che si à di rivâ ae felicitât vere
esempi
"[Paulin di Aquilee] al duche Eric i dediche un tratât di morâl (Liber exortationis)"
da "Patriarcjis fûr dal ordenari" di Diego Navarria
"in seminari al veve imparadis tantis robis, al saveve di morâl e di teologjie"
da "Sul agâr" di Pieri Menis
morâl s.f.
(mo-râl)
Complès di regulis che a ordenin il compuartâsi dal om in realazion a ce che al è ben e ce che al è mâl, che si ispire a concezions religjosis, politichis, filosofichis
esempi
"une morâl che e no sei un lambic o un clapon sul stomi, ma che e si adati a la misure dal puar om moderni"
da "Vieri e gnûf" di Pieri Piçul
"al veve un concet di fier dal dovê e de morâl, par vie che la sô religjon lu cruziave cence pietât"
da "Il dolfin" di Carlo Sgorlon
morâl s.f.
(mo-râl)
Insegnament che si impare di une flabe, di une conte o ancje di un fat, di une esperience
esempi
"[...] Morâl: lagrimis di femine, sudôr di cjaval e voiis di plavan nol è ce crodi, che al è dut fals e dut ingjan"
da "La bolp e il lôf" di Luigi Gortani
morâl s.m.
(mo-râl)
Stât de anime, cundizion psichiche
esempi
"mi ricuardi che tu mi scrivevis letaronis par tignîmi sù il morâl"
da "Tripoli bel sol d'amore" di Pieri Somede dai Marcs
"si veve procedût a internâ chês personis che a vignivin consideradis pericolosis pal morâl [dai soldâts e de popolazion in vuere]"
da "La seconde Irlande" di Carli Pup
Torna in Cima