SuperDizionari

morâl adi.
(mo-râl)

Che al à a ce fâ cu lis normis che si calcolin justis, no dome a nivel legâl, ma a nivel esistenziâl

esemplis

"la ricostruzion materiâl e va indenant come il cai, chê morâl come il gjambar"

gjavât fûr di "Preambul rusin" di Josef Marchet

"al podarès capitâ un scjadiment morâl di dute la comunitât"

gjavât fûr di "Il muc" di Roberto Ongaro

"propit pal so rigôr morâl, al si jere creât une vore di nemîs personâi, ancje fra i siei stes paisans"

gjavât fûr di "Zuan Batiste Cavedalis - Une vite esemplâr" di Giovanni Pillinini

morâl adi.
(mo-râl)

[TS] (filos.) Che al tocje lis cuistions de esistence umane te sô relazion jenfri il ben e il mâl

morâl adi.
(mo-râl)

Che al inten la anime e la part spirituâl dal om

esemplis

"dome cognossint ancje il dolôr, fisic e morâl, si cognòs la vite"

gjavât fûr di "Moments di ploie e di burlaç" di Antoni Beline

morâl adi.
(mo-râl)

Che nol à un efiet o une sostance a nivel pratic e formâl, ma che al esist o al funzione a nivel psicologjic, solidari, carismatic e v.i.

esemplis

"un impegn che dal sigûr al va di là dal sempliç ‘jutori morâl' o culturâl"

gjavât fûr di "Memoriis di politiche linguistiche" di Adrian Cescje

morâl s.f.
(mo-râl)

[TS] (filos.) Part de filosofie o de religjon che e cîr di sclarî ce che al è il ben, ce relazion che si à di vê jenfri ben e mâl, cemût che si à di rivâ ae felicitât vere

esemplis

"[Paulin di Aquilee] al duche Eric i dediche un tratât di morâl (Liber exortationis)"

gjavât fûr di "Patriarcjis fûr dal ordenari" di Diego Navarria

"in seminari al veve imparadis tantis robis, al saveve di morâl e di teologjie"

gjavât fûr di "Sul agâr" di Pieri Menis

morâl s.f.
(mo-râl)

Complès di regulis che a ordenin il compuartâsi dal om in realazion a ce che al è ben e ce che al è mâl, che si ispire a concezions religjosis, politichis, filosofichis

esemplis

"une morâl che e no sei un lambic o un clapon sul stomi, ma che e si adati a la misure dal puar om moderni"

gjavât fûr di "Vieri e gnûf" di Pieri Piçul

"al veve un concet di fier dal dovê e de morâl, par vie che la sô religjon lu cruziave cence pietât"

gjavât fûr di "Il dolfin" di Carlo Sgorlon

morâl s.f.
(mo-râl)

Insegnament che si impare di une flabe, di une conte o ancje di un fat, di une esperience

esemplis

"[...] Morâl: lagrimis di femine, sudôr di cjaval e voiis di plavan nol è ce crodi, che al è dut fals e dut ingjan"

gjavât fûr di "La bolp e il lôf" di Luigi Gortani

morâl s.m.
(mo-râl)

Stât de anime, cundizion psichiche

esemplis

"mi ricuardi che tu mi scrivevis letaronis par tignîmi sù il morâl"

gjavât fûr di "Tripoli bel sol d'amore" di Pieri Somede dai Marcs

"si veve procedût a internâ chês personis che a vignivin consideradis pericolosis pal morâl [dai soldâts e de popolazion in vuere]"

gjavât fûr di "La seconde Irlande" di Carli Pup

monolengâl