Hai cercato la parola
monolingue
Torna indietro

monolingue

movi v.tr.
(mo-vi)
Cambiâ di puest, posizion, direzion, sedi une volte sole che plui voltis seguitivis
esempi
"il predicjadôr al fevelave vonde fuart, al moveve i braçs"
da "Il cuaresimâl" di Angelo Covazzi
"sul cjast lis pantianis a corevin movint i corondui"
da "Ombris" di Checo Tam
"i volerin sîs strangulins par movi chel clap"
da "Il solt di Arlunc" di Gianluca Franco
Vedi anche: muevi
movi v.tr.
(mo-vi)
Gjavâ cdn. dal so puest o de sô funzion indulà e metilu di une altre bande
sinonimi
cambiâ, stramudâ, trasferî, mudâ
esempi
"domandâ di jessi mot di ufici"
movi v.tr.
(mo-vi)
[TS] (zûcs) Fâ une mosse, cambiâ di casele une pedine, un toc di un zûc (ancje ass.)
esempi
"in dutis lis partidis di scacs al scomence a movi simpri il blanc"
da "Zuìn di scacs" di Nilde Teresa Negro
movi v.tr.
(mo-vi)
Fâ lavorâ
sinonimi
meti sot, meti in vore, clamâ
esempi
"si sveave adore par jentrâ drete in chê vore, e e moveve il famei a impiâ il fûc te lissiarie, e la Svualdine a puartâ dongje i coladôrs par impodenâ"
da "Cjase di Dalban" di Maria Forte
movi v.tr.
(mo-vi)
Mudâ di puest o posizion i stiçs par fâ cjapâ fuarce al fûc
sinonimi
saborâ
esempi
"te foto di Coccolo si viôt un vecjo che al môf un fûc tacât par brusâ i vidiçs cuinçâts"
da "I lûcs de tradizion in Friûl" di Erika Adami
movi v.tr.
(mo-vi)
Fâ scomençâ o rindi plui fuarte une azion, une dinamiche, un element e v.i.
sinonimi
fâ, tacâ
esempi
"tu doncja movevis uera ai miei nemîs, e jo varès dovût ringraziâti"
da "Il farc" di Giovanni Luigi Filli
"la gjornalarie locâl se gjolt a movi polemichis"
da "Memoriis di politiche linguistiche" di Adrian Cescje
"a son tantis lis fuarcis che a fasin jeve sul nestri pensâ e a movin la nestre disfortune"
da "La tiere di Lansing" di Maria Forte
movi v.tr.
(mo-vi)
Fâ vignî fûr cdn. de imobilitât, de passivitât (fig.)
sinonimi
dâ la mote, dessedâ, discjantâ, disdurmidî, dismovi, dissumiâ, disveâ, mobilizâ, pocâ, remenâ, sacodâ, sburtâ, scjalterî, scjassâ, sclocjâ, scorsonâ, scossâ, sgorlâ, spacâ, spacolâ, spironâ, spontonâ, stomblâ, uçâ, stiçâ
esempi
"al è simpri stât cualchidun de bande de puare int [...] ma nol jere rivât adore di fâ grum e movi la int, in gjenerâl rassegnade a restâ [...] sotane"
da "Cuintristorie dal Friûl dal 1866 fint in dì di vuê" di Francesc Placerean
"o fâs tantis gjerometis, par fâ movi la int, par che e cjapi interès a ce che o i dîs"
da "Il Bide di Miot" di Maria Forte
movi v.tr.
(mo-vi)
Cambiâ une situazion, cundizion e v.i. (fig.)
sinonimi
furigâ, saborâ, tirâ fûr, tocjâ
esempi
"[azions politichis che] a rivin in moments li che la situazion di politiche linguistiche e je blocade, par movile"
da "Riflessions par une politiche linguistiche de lenghe furlane" di Sandri Carrozzo
movi v.tr.
(mo-vi)
[TS] (agr.) Lavorâ la tiere, voltâle in mût che e sedi mancul dure
sinonimi
svegrâ
esempi
"a davin sù i ricuarts: a movi chê tiere al jere come saborâ dentri dal timp passât"
da "La aghe da pît la cleve" di Dino Virgili
movi v.tr.
(mo-vi)
Sveltî la digjestion (fam.)
esempi
"il most al pues movi i budiei"
proverbi
"clap che si môf nol fâs muscli"
"cuant che la buere si mûf, o un o cinc o nûf"
"il cjan nol môf la code se no si lu paie"
"la bisugne a fâs ben movi i piçs"
"no si va a movi il jespâr"
"se Diu nol vûl, no si môf une fuee di pôl"
Torna in Cima