SuperDizionari

mugnestri adi.
(mu-gnes-tri)

Soredut di animâl, che al à un caratar dolç, che al ubidìs daurman e che nol è agressîf

sinonims

dumiesti, dolç di bocje, ubidient, cuiet, bon

esemplis

"al argagnave intor di un mussut mugnestri e pacific, imbastintlu cun barîi e bolzetis"

gjavât fûr di "Sukaran" di Giovanni Urban

Viôt ancje: mugnesti, mignestri, mugnestic, mignesti, mignestic

mugnestri adi.
(mu-gnes-tri)

Ancje di persone, caratar, mût di fâ e v.i., pront a scoltâ, a capî, a no barufâ

sinonims

dumiesti, dolç, bon, adatevul, degnevul, tenar, pacific, pazient, cuiet, indulgjent

esemplis

"al mi à dât une voglade che crodevi che al mi sfulminà [...], ma plui tart mi e vignût dongje plui mugnestri"

gjavât fûr di "Gnot di Nadâl" di Pieri Somede dai Marcs

"al vîf la sô vite, sclet e mugnestri, cence fâi mâl a dinissun"

gjavât fûr di "Storie di Min" di Ivano Urli

mugnestri adi.
(mu-gnes-tri)

Di element materiâl, che si lasse lavorâ cun facilitât e che al da bon risultât o che al rispuint ben a un comant, a une manovre e v.i. (fig.)

esemplis

"la tiare buine, mugnestre, ca jù, e dave il pan pal cristian e il fen pal nemâl"

gjavât fûr di "La aghe da pît la cleve" di Dino Virgili

"il portelon dongje si jere viert, mugnestri, cuntun scloc"

gjavât fûr di "La otave corsie" di Gianfranco Pellegrini

monolengâl