Tu âs cirût la peraule
monolengâl
torne indaûr

monolengâl

nemì adi., s.m.
(ne-mì)
Che, cui che al è impegnât in vuere de bande contrarie, ancje cun sens coletîf
esemplis
"nus àn metût un cuintri l'altri, dopo che nus vevin fat maçâ «i nemîs», a disevin lôr, e invezit a jerin nestris fradis ancje chei"
gjavât fûr di "Sul agâr" di Pieri Menis
"a Rome a vevin decidût che chei là sù a jerin il Nemì e che bisugnave tradî la Austrie-Ongjarie, prime di chê volte aleade"
gjavât fûr di "Just, cence di" di Checo Tam
"si viodeve int cence colôr sentade ca e là, spaventade dal businâ dai arioplans, amîs o nemîs cuissà, che a svolavin parsore Mestre"
gjavât fûr di "Sant Simon: 28 di Otubar 1917" di Pieri Somede dai Marcs
Viôt ancje: nimì, inimì
nemì adi., s.m.
(ne-mì)
Che, cui che al è impegnât di une bande contrarie intun conflit ancje no armât
esemplis
"la vere reson de vuere cence cuartîr che e nus ven fate dai nemîs da la autonomie furlane [...] e je la pôre di viodi rotis chês cjadenis di camore"
gjavât fûr di "La unitât de camore" di Josef Marchet
nemì adi., s.m.
(ne-mì)
Che, cui che al sint odi, aversion par cdn.
esemplis
"pre Agnul lu mandarin a Sarsêt. Par pre Pitin e fo une liberazion. Parcè che al partive il so plui grant nemì e al rivave un altri capelan"
gjavât fûr di "Pre Pitin" di Antoni Beline
nemì adi., s.m.
(ne-mì)
Che, cui che nol sopuarte alc, che al à aversion ideâl, politiche o personâl cuintri cuintri di alc o che i fâs dam
esemplis
"i unitaris talians a son stâts e ancjemò a son i prins nemîs di chê forme di unificazion che je la uniche pussibile in Italie"
gjavât fûr di "La unitât cuintri la unitât" di Josef Marchet
"pre Nando, nemì de bausie, passionât di libertât, seneôs di vivi e di murî tor dal fogolâr in mieç ai amîs"
gjavât fûr di "Vieri e gnûf" di Pieri Piçul
detulis
"amì de vore fate e nemì di chê disfate"
"cui che al è grant amì al è grant nemì"
"dai amîs mi vuardi jo, dai nemîs mi vuardi Gjo"
"dai nemîs mi vuardi jo, dai amîs mi vuardi Gjo"
"grancj amîs, grancj nemîs"
"il plui grant nemì dal om al è l'om stes"
"la vitorie e je nemie de vuere, il scomençâ de pâs"
"nissun nemì tant vîl che no si vedi di temê"
"nissun plui nemì dal om dal om istès"
"nol è mai nemì tant vîl che no si vedi di temê"
"ognidun al à i siei nemîs"
torne sù