SuperDizionari

monolengâl

nobil adi., s.m.
(no-bil)

Che, cui che al fâs part de aristocrazie, des fameis che par dirit consuetudinari o par concession di un sovran a puedin svantâsi di vê un titul ereditari, leât a une autoritât o a une cundizion sociâl provilegjade

sinonims

aristocratic, patrizi

esemplis

"in chel secul i nobii furlans si jerin dividûts: un al jere pal re di Ongjarie, che al stave jentrant pal Lusinç; chel altri al jere pal duche di Austrie, che al veve poiadis lis sgrifis sù fin a Vençon"

gjavât fûr di "Il patriarcje de pâs: Marquart di Randeck" di Francesc Placerean

"il borc si svilupà inte Ete di Mieç dongje di un cjiscjel fat sù dai nobii di Colorêt - Mels, vassâi dai conts dal Tirôl"

gjavât fûr di "Colorêt" di Agnul di Spere

nobil adi.
(no-bil)

Che al à carateristichis di ecelence, di magnanimitât

sinonims

alt, cortês, cortesan

esemplis

"Cavedalis al murì a Spilimberc il 16 di Lui dal 1858. Al veve sessantecuatri agns. Cun lui e discomparive une nobil figure di patriot, un om di severe moralitât e un tecnic preparât"

gjavât fûr di "Zuan Batiste Cavedalis - Une vite esemplâr" di Giovanni Pillinini

" no esist une culture nobile e une ignobile, parcè che la culture e je simpri nobile come che la ignorance e je simpri ignobile"

gjavât fûr di "La fuarce de poesie e de lidrîs" di Antoni Beline

torne sù