SuperDizionari

notâ v.tr.
(no-tâ)

Scrivi alc par visâsi o par lassâ alc documentât

sinonims

cjapâ sù, marcâ, scrivi, tirâ jù, segnâ

esemplis

" ogni volte che si fâs un passaç di proprietât bisugne lâ al ufici dal catast e il diretôr [...] al note li che il teren al è passat di proprietât in chel moment"

gjavât fûr di "La nestre storie" di Francesc Placerean

notâ v.tr.
(no-tâ)

Segnâ un credit tun cont, par fâsi paiâ plui indevant

sinonims

segnâ, meti in cont

esemplis

"invezit di paiâ, i disevin: «Un cuart a talpe, Dreute, ti pai doman»; e lui al notave"

gjavât fûr di "Alpin jo mame!" di Alan Brusini

"«Po ben», i dîs Rico, «daitmi ca un mieç, e notaitjal a Meni»"

gjavât fûr di "Credit" di Meni Ucel

"ca si paie nâs di cuaie, no si note nâs di pote"

gjavât fûr di "Sacheburache" di Zuan Nazzi Matalon, Ottorino Burelli

notâ v.tr.
(no-tâ)

Meti notis, segns che a caraterizin

sinonims

comentâ, postilâ, segnâ, marcâ

esemplis

"notâ lis frasis plui impuartantis"

notâ v.tr.
(no-tâ)

Meti intune liste, intune categorie

sinonims

cjapâ dentri, comprendi, contizâ, contâ, meti tal numar

esemplis

"i siei inteletuâi a podevin ben notâ la pax cristiane e l'amôr che le ispirave tra i valôrs universâi di proponi"

gjavât fûr di "Viaç aes origjins dal Logos" di Adrian Cescje

notâ v.tr.
(no-tâ)

Cjapâ at, visâsi e vê cussience di alc

sinonims

cjalâ, fâ câs, intravignî, osservâ, riscontrâ, spiâ, viodi

esemplis

"notait che chist diau no veva ne coda pelosa, ne pîts di cjavra, ne voi nome dôs boris; al jara fat come un om"

gjavât fûr di "Il diau sul Studeniz" di Giovanni Luigi Filli

"al veve lassât la Mercedes de sô femine intune stradute pierdude, li che nissun le varès notade"

gjavât fûr di "Un piçul particolâr" di Fabian Ros

notâ v.tr.
(no-tâ)

Meti in evidence, fâ che altris si visin e a vedin cussience di alc

sinonims

marcâ, rimarcâ

esemplis

"il soldât lu fasin ducj. Chi si vûl nome notâ la diference fra il compuartament dai furlans e di chei altris sul fat dal militâr"

gjavât fûr di "Soldât jo mame!" di Riedo Pup

monolengâl