SuperDizionari

numar s.m.
(nu-mar)

Ent astrat che al rapresente cuantitâts e relazions tra cuantitâts

esemplis

"siet, cifre juste dal moment che e tignive sevi il trê che il cuatri, i numars divins de perfezion"

gjavât fûr di "Conte di peraulis muartis" di Sandri Di Suald

Viôt ancje: lumar, numer

numar s.m.
(nu-mar)

Tal pl., la matematiche, la aritmetiche (fam.)

sinonims

cont

esemplis

"il mâl al jere che lui, Nando, al veve vût simpri riviel cuintri ducj i numars… che i davin l'inzirli dome a cjalâju"

gjavât fûr di "Cjase di Dalban" di Maria Forte

numar s.m.
(nu-mar)

Element, individui e v.i. che al corispuint a une cierte posizion intune serie

esemplis

"lui nol saveve il todesc e nol rivave nancje a capì cuant che a clamavin il so numar"

gjavât fûr di "Faliscjis" di Cristina Noacco

numar s.m.
(nu-mar)

Biliet cun segnât un numar che al da dirit a vê une posizion di ordin intun servizi

sinonims

biliet

esemplis

"cjoli il numar pal banc dai formadis"

numar s.m.
(nu-mar)

[TS] (zûcs) Ognidun dai elements contrassegnâts di un numar in zûcs tant che lotariis, roulette e v.i.

esemplis

"e va a cusî a Udin, tal buteghin dal lot a zuiâ trê numars"

gjavât fûr di "Lis predicjis dal muini" di Josef Marchet

"par un numar nol veve fate tombule"

gjavât fûr di "Chei di Muraie" di Pieri Menis

numar s.m.
(nu-mar)

Grup di une cierte cuantitât di elements, individuis e v.i. caraterizâts di alc in comun

sinonims

categorie, complès, grup, schirie, scjap, trop

esemplis

"ognidun di nô, zovin o vieli che al sei, al à di pensâ che vuê un an si po jessi tal numar di chei che a saran lâts a fâ mantiis di bocâl"

gjavât fûr di "Lis predicjis dal muini" di Josef Marchet

"il nestri comun al jere metût tal numar di chei che a vevin int contrarie al Duce"

gjavât fûr di "Lis votazions" di Pieri Somede dai Marcs

numar s.m.
(nu-mar)

Individui pierdût intal grum, calcolât cence impuartance

esemplis

"chi, ce che al conte, al è il franc e cence di chel tu sês un numar, ma un numar scart, di chei di butâ vie"

gjavât fûr di "Il muc" di Roberto Ongaro

"lis gnovis barbariis indulà che a ridusin i oms a numar, a machinis"

gjavât fûr di "La cjase di Toni" di Tarcisio Venuti

numar s.m.
(nu-mar)

Valôr intune scjale di riferiment, pal solit standardizade

sinonims

misure, taie

esemplis

"e à lis scarpis numar trentenûf"

gjavât fûr di "Sul florî" di AAVV

"fier di gucje gruesse, numar 12"

gjavât fûr di "La rambe" di Fabian Ros

numar s.m.
(nu-mar)

Singule prestazion intune esibizion, intun spetacul

esemplis

"il numar dal ecuilibrist"

numar s.m.
(nu-mar)

[TS] (gram.) Categorie che e individue la distinzion jenfri singolâr e plurâl, e in ciertis lenghis ancje duâl, il paucâl e altris

esemplis

"il talian [...] al ten par so cont par nons e adietîfs dome il numar e il gjenar [e no il câs]"

gjavât fûr di "Corpus linguistics" di Vladimir Petkevic

numar s.m.
(nu-mar)

[TS] (mus.) Ognidun dai rapuarts armonics che si otegnin doprant il monocordi

monolengâl