SuperDizionari

monolengâl

nît s.m.

Costruzion fate dai uciei par clucî i ûfs, fâ nassi e tirâ sù i piçui

esemplis

" 'Sefut, ven cun nô che o vin cjatât un nît di parussats"

gjavât fûr di "Chel svampît di 'Sefut" di Maria Forte

"mi rimpinavi sù pai arbui a cucâ intai nîts dai uciei"

gjavât fûr di "Trê feminis" di Gianni Gregoricchio

nît s.m.

Puest là che si è nassûts e cressûts o dulà che si sintisi a cjase (fig.)

sinonims

cove

esemplis

"tancj a gji scrivevin che orevin viodila e cognossila. Ma jê a lassava malvulintîr al so nît e stava via mancul che podeva"

gjavât fûr di "Catinuta" di Ugo Pellis

"il paîs al jere cuasi in fieste: si maridave Regjinute; ancje jê finalmentri e veve cjatât di fâ il so nît, di vê un puest te vite dut par se"

gjavât fûr di "A jerin lagrimis" di Pieri Somede dai Marcs

nît s.m.

Puest dulà che si cjatin tantis personis di une cierte sorte, in gjenar cun conotazion negative (fig.)

esemplis

"la Filologjiche, par esempli, che e jere un nît di talians, là che al jere cuasi proibît di fevelâ furlan, e à cambiât di cussì a cussì"

gjavât fûr di "Mizzau al bat Pitt un a zero" di Riedo Pup

nît s.m.

Puest dulà che plui robis a stan fissis dongjelaltris (fig.)

esemplis

"i rivai in Cjanâl, siet cjasi tun nît"

gjavât fûr di ""Uta, Ututa improntiti"" di Novella Cantarutti

nît s.m.

Asîl par fruts che a àn fin a trê agns

esemplis

"a coventaressin robis tant che i nîts, la scuele a timp plen, une politiche dai redits che e ledi a incentivâ la famee e no a penalizâle"

gjavât fûr di "Femine e leader, un binomi inmò dificil" di Walter Tomada

detulis

"domenie di ulîf ogni uciel al fâs il nît"

"ogni uciel al cîr il so nît"

"par ogni uciel il so nît al è biel"

"Pasche di ulîf si jes fûr dal nît"

torne sù