SuperDizionari

o coniun.

Cun funzion disiuntive, al coordene elements cul stes valôr dentri di une proposizion o di un periodi, pandint alternative, oposizion, esclusion, al pues stâ denant di ducj i elements de disiunzion, di ducj fale il prin, o ben dome dal ultin

sinonimi

o ben, o pûr, o che

esempi

"che al sinti, lui, paial o no paial cheste multe?"

da "Jo, evasôr fiscâl" di Riedo Pup

"in ducj i partîts o moviments politics al esist un esecutîf, une presidence, une comission par chest o par chel"

da "Moviment Autonomist Furlan pe Federazion dai Popui" di Josef Marchet

"no si capìs se si à di ridi o di vaî"

da "Spara Jurij spara (Giovanni, Debora, Pieri & C.)" di Marc Stolf

o coniun.

Daûr di un comant, une prescrizion, une necessitât e v.i., par presentâ une alternative ipotetiche

sinonimi

câs contrari, che se di no, che se no, o ben, o se di no, o se no, se di no, se no

esempi

"il pedon aversari al à di fâ la “prese en passant” subit, a pene che al à la man o nol podarà plui fâle"

da "Zuìn di scacs" di Nilde Teresa Negro

"o scuen lâ, o scuen lâ a vierzi la puarte, o vuê no podarai dî di jessi jevade dal jet se no par tirâ flât dibant!"

da "A ôr dal flum" di Franca Mainardis

o coniun.

Denant di un sinonim o di une esplicazion, un sclariment e v.i.

sinonimi

o ancje, o ben, vâl a dî, ven a dî, ven a stâi

esempi

"la lenghe comune o coinè, che pûr e esisteve di lungje tradizion, e mostrave ancjemò masse ossilazions di forme tes peraulis"

da "Memoriis di politiche linguistiche" di Adrian Cescje

monolingue