Tu âs cirût la peraule
monolengâl
torne indaûr

monolengâl

ocupât adi.
(o-cu-pât)
Di puest o sim., che nol è libar, che al è za doprât o al è stât prenotât di cdn. altri
esemplis
"une joibe al rivà come simpri [a marcjât a vendi zeis], ma il so puest al jere ocupât cuntun banc plen di scudielis, di plats, tacis…"
gjavât fûr di "Jacum al marcjât" di Angelo Covazzi
ocupât adi.
(o-cu-pât)
Di cdn., che al à di meti il sô timp e il so impegn intune vore o in tantis robis di fâ
sinonims
impegnât
esemplis
"la int di Vendâs che a usavin lâ tal fogolâr a fâ la partide, viodût chel gjenerâl cidin e ocupât a lei, tal prin a sbassavin la vôs, po no olsavin presentâsi"
gjavât fûr di "Par stradis lungjis" di Alan Brusini
""[...] O speri propit che al sedi impuartant, o soi une vore ocupât vuê""
gjavât fûr di "Donnerwetter" di Checo Tam
"fradi gno cjâr jo soi tant ocupât, / e mi van par il cjâf tancj interès, / che i tu dirès che jo fos (si tu l credès) / un pulç inta la stopa invuluçât"
gjavât fûr di "Fradi gno cjâr jo soi tant ocupât" di Eusebi Stele
ocupât adi., s.m.
(o-cu-pât)
Che, cui che al à un puest di vore regolâr
sinonims
dipendent, lavoradôr
esemplis
"ancje tai agns daspò i ocupâts in agriculture a àn continuât a calâ une vore: si fevele in dì di vuê, a nivel regjonâl, di mancul dal 4% di ocupâts in agriculture"
gjavât fûr di "La cundizion sociolinguistiche dal furlan" di Linda Picco
"i lavoradôrs ocupâts te industrie e tai servizis a deventin la maiorance bondante de popolazion"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
ocupât adi.
(o-cu-pât)
Di teritori, tignût di une fuarce invasore
esemplis
"[la vuere dai rus in Cecenie] e jere une vuere platade: [...] dal dut divierse de vuere puartade dai israelians tai teritoris ocupâts"
gjavât fûr di "E jere une volte la Cecenie" di Renzo Balzan
ocupât adi.
(o-cu-pât)
Di edifici, cjapât in possès di personis che no àn la proprietât o il permès dal proprietari, dispès par proteste sociâl o tant che maniere no convenzionâl di cjatâ une sistemazion
esemplis
"te capitâl Buenos Aires si àn ogni altre dì manifestazions dai disocupâts, dai operaris des fabrichis ocupadis , dai docents des scuelis, dai dipendents statâi"
gjavât fûr di "La Argjentine no je in licuidazion" di Renzo Balzan
torne sù