SuperDizionari

monolengâl

ongule s.f.
(on-gu-le)

Struture cornie laminâr presinte su lis estremitâts dorsâls dai dêts dal om e di altris animâi

esemplis

"si vergognave tant des sôs mans, rossis e ruspiosis, in confront di chês di lui, slissis e sutilis, cu lis ongulis curadis e cun tant di anel"

gjavât fûr di "Il muc" di Roberto Ongaro

"ongulis neris di morcje e un sotfont di odôr di vueli e di benzine che nol leve mai vie. Cuasi nuie di lui nol jentrave tal concet di "desiderabil""

gjavât fûr di "Il svol dal Falcone" di Antescûr

Viôt ancje: ongle

ongule s.f.
(on-gu-le)

Tal pl., atitudin o capacitât agressive o di vê efiet negatîf (fig.)

esemplis

"il paternalisim di Vignesie al rivà adore di spadâju, di taiâur lis ongulis, di fâju deventâ pioris"

gjavât fûr di "Cuintristorie dal Friûl fin sot la Italie" di Josef Marchet

"aromai, par lui nol veve ongulis ce che a disevin. No si risintive plui di nuie. Al varès continuât il so fat"

gjavât fûr di "La tiere di Lansing" di Maria Forte

ongule s.f.
(on-gu-le)

Cuantitât une vore piçule, sedi di alc di materiâl che di imateriâl (fig.)

sinonims

fîl, filin, freghenin, fregul, neri di ongule, nuie, pêl, tic, fruçon, sclip, ombre, friç, tinin, ninin

esemplis

"Rosine, che a no veve nancje une ongule dal bon fâ di sô agne, [...] a i rispundè cussì [...]"

gjavât fûr di "Il purciel da la agne Nine" di Zuan Colledani

ongule s.f.
(on-gu-le)

[TS] (tecn.) Imprest a forme di lamine

detulis

"fra cjar e ongule no stâ lassâti ponzi"

torne sù