Hai cercato la parola
monolingue
Torna indietro

monolingue

ongule s.f.
(on-gu-le)
Struture cornie laminâr presinte su lis estremitâts dorsâls dai dêts dal om e di altris animâi
esempi
"si vergognave tant des sôs mans, rossis e ruspiosis, in confront di chês di lui, slissis e sutilis, cu lis ongulis curadis e cun tant di anel"
da "Il muc" di Roberto Ongaro
"ongulis neris di morcje e un sotfont di odôr di vueli e di benzine che nol leve mai vie. Cuasi nuie di lui nol jentrave tal concet di "desiderabil""
da "Il svol dal Falcone" di Antescûr
Vedi anche: ongle
ongule s.f.
(on-gu-le)
Tal pl., atitudin o capacitât agressive o di vê efiet negatîf (fig.)
esempi
"il paternalisim di Vignesie al rivà adore di spadâju, di taiâur lis ongulis, di fâju deventâ pioris"
da "Cuintristorie dal Friûl fin sot la Italie" di Josef Marchet
"aromai, par lui nol veve ongulis ce che a disevin. No si risintive plui di nuie. Al varès continuât il so fat"
da "La tiere di Lansing" di Maria Forte
ongule s.f.
(on-gu-le)
Cuantitât une vore piçule, sedi di alc di materiâl che di imateriâl (fig.)
sinonimi
fîl, filin, freghenin, fregul, neri di ongule, nuie, pêl, tic, fruçon, sclip, ombre, friç, tinin, ninin
esempi
"Rosine, che a no veve nancje une ongule dal bon fâ di sô agne, [...] a i rispundè cussì [...]"
da "Il purciel da la agne Nine" di Zuan Colledani
ongule s.f.
(on-gu-le)
[TS] (tecn.) Imprest a forme di lamine
proverbi
"fra cjar e ongule no stâ lassâti ponzi"
Torna in Cima